Proze religioze do sec. XIV/Vita de san Zoane Batesto/parte terça

←parte segonda

Proze religioze do sec. XIV Vitta de san Zoane Batesto - parte segonda

endexo→

In apiçe e ligatue; tra parentexi quaddre e lettie da azonze, tra parentexi tonde quelle da esponze; azonto maiuscole, pontezatua e diacrittichi (segondo a prononçia do 1745 descrita da-o Prien): acento aguçço = vocale longa, acento grave = vocale curta; fæto o repascimento di tocchi che g'amanca tra parentexi quaddre e in corscivo, trandoi da l'originâ toscan de l'ediçion Sorio - Racheli acescibbile da Google Libbri; clicca i asterischi pe de notte e di confronti co l'originâ toscan. (G. Musso)

Aora son cu^mpie le doe parte de questa meditatium. E incoⁿmensasse quella quando ello comensa [a] descende a la geⁿte e a prichar e a batezar.

Aproximandose lo tempo che messer Ih^esu avea dito a Zoane, che gi covegniva prichar e ameistrar la gente de la salvatium, incomensà a vegnir e a parezarsse in quelle parte donde archuna vota la gente passavam e vegnivam. E quando ello veiva le p^ersonne, criava como ello sorea: “Fay penitentia, che se aproxima a voy lo regno de lo sé”. E quelli archuna vota lo ihamavam: “O servo do Dee, prega Dee per noy”. E ello no fuziva, como sorea, ma respondea: “Aparegiay la via de lo Segnó, che l'è preso”. E la gente se comensà de aseguar, vegando che ello no fuziva. E se ge areconmandavam monto. E beo se tegnea chi questo poea far. E tornava^m a caxa, e dixea^m questo a la gente de Zoane, como ello era vegnuo de lo deserto pu presso. E anchora como no fuziva, avanti se laxava parlar. Andando questa voxe in Iherusalem e in le contrae de intorno, certi boyn homi se meteaⁿ inseme trei o quatro a la vota per desiderio de veirlo. Andavan in quelle parte unde se dixea ch'el'era stao trovao, e dixeam: “Forscia che Dee ne farà gratia de troválo”. E cossì se metean in via. E andavan in quelle parte unde elli se lo crean trovar. E cerchava^m tar vota bon peso. E quaⁿdo elli lo trovavam, eran pin de miraber alegresa. E aprosimandosege, (per) la reverentia li faxea quasi tremar; e butavase iⁿ terra tuti. E san Zoane humilissimo se zitava pu cha elli, cognosciando che elli si e^ran servi de Dee, criando: “May no me leverò, se voy no ve lavay^[sic] avanti”. E questi, odando la soa voxe, se levavam. E ello, cu^m alegra ihera, si li receveiva, e stavan un pocho inseme, e si li ameistrava de la veritay, e che elli se aparegiassem, che tosto verea la soa salvatiun. Questi se sentiva^m bruxar dentro de lo divin amor, tanto che a elli parea che elli fossen in mezo de pareyzo. E Zoane stava pocho cu^m elli, e poa se levava e andava via. Questi romagneam cossì inanimay* de Dee, e no eran ardij de andarge derré, che volenter l'avereivam faeto. Tornavasene a caxa e trovava^m de li atri servi de Dee e raxona[va]^m inseme de questo faeto de san Zoane e afermava^m che ello era lo mao profeta chi may vegnisse a lo mondo. E quaⁿdo li boym homi odivam che ello se laxava trovar, continuamenti comensan [a] a[n]dar a ello p^er veillo e per odir la soa dotrinna. E quando ello trovavam, eran si infiamay che quando elli veyva^m li atri homi, parea ch’a* elli fosse nova mutatiun e novo splendó, e parlavam de ello quasi como homi tuti afogay. E per questo moo ogni iorno cresceiva la gente chi andava a ello. Péro e Andrea eran tegnui bonissimi homi p^er tuta la contraa unde elli [eran] cognosui, e monto atendean la gente a elli; odando elli queste nove cossì grande, andando a vey ^cum soa cu^mpagna, e vegandolo e odandolo parlar, se innamorava^m de ello asay pu cha li atri, e quasi no se savea^m partí da ello, ni da lo logo unde ello era, ^e unde elli lo trovava^m, ma andava^m baxando la terra unde ello metea li pei. E tronava^m in caxa e dixeam si grande nove de la soa santitay, che no se porreiva dir. Si che la soa fama cresceiva desmesuramenti. Dissen infra elli mesmi: “El’è bon portar cu^m noi de lo pan e de le cosse da mangiar e tetele* in quarche logo preso a noy si che noi ge staghemo pusoi iorni. E preghemo Dee chi ne lo fasa trovar”. E De[e] se ne aregordava volretera* cu^m elli, persochè ello vorea zomay che ello fosse trovao e cognosuo. E comensà[m] como elli avea^m pensao a far. E incoⁿviàm puxoy atri servi de Dee chi andassen cu^m elli. E Zoane tegnea questi moi cu^m elli, che lo iorno se apresentava a li loghi habitay e unde ello poesse(r) esser trovao. La note si tornava in lo deserto, quasi como homo chi tornasse a caxa per po(r)ssáse. O sea, e diremo meio, che la note tornava a star cu^m Dee e cu^m lo so Fijor incarnao e cu^m la soa Mayre. E lo so deleto era tuto de star cu^m ello. E cossì serea a noi, se noi steissemo ^cum elli. Vegniva lo iorno, e cuⁿversava cu^m li homi. E quando questi santi homi lo trovavam, aveam grande alegresa. Ma era tanta la segnoria de la virtue de Zoane, e era tanta la santitae che avean cu^mpreixa de ello, che quando elli sa aproximava^m a ello, quasi tremava^m de reverentia grande che elli avean in ello. E Zoane vegniva a elli cu^m alegresa e cuⁿversava cu^m elli como un agnello mansueto, si che elli prendeam segurtae de demandalo. E aveam responsion da ello de la veritay e de tuta santitay. Si che elli sentivam crescer iⁿ elli la virtue de lo amor de Dee e de cossì faeto so servo, tanto che gi parea che lo cor ardesse e(l)l’aⁿnima; e tuti infiamay e no se voream partij da lee. Ma quaⁿdo era lo tempo, e Zoane se partiva da elli; e quelli trovandose de lo pan, si ne lo incoⁿviam. E quello gi respondea docementi: “Fraeli, no n’è anchor tempo; quaⁿdo Dee vorà noi lo faremo”. Andava e tronava anchor l’atro iorno, e(l)lo aspeitavan cu^m grande alegresa. E quando lo sentivam vegnir criando: “Fay penitentia, che s’aprosima lo regno de lo cel”, e elli se ge faxeam incoⁿtra cu^m alegresa e meteanse a seze. E comeⁿsamlo a demandar. Péro e disse: “Dime, messer, tu ne annuncij lo regno de lo cel che ello è presso: che vo-tu dir? Noi no trovemo in la scritura nigun profeta e niguⁿ de li nostri santi passai chi questo n’abia anuncio. Tu é doncha lo prumé chi ne anuncij lo regno de lo cel che l’è preso. Preghemote p^er lo amor de Dee, che tu ne dagi quarche intendimento”. E Zoane dixea e respondea: “E ve digo fermamenti la veritae che l’è vegnuo, si è in mezo de voy quello chi ne dè far servi*, e per chi ne serà averto lo regno de lo cel; ma voy no lo cognosi anchora, e mi no ve posso dir pu anchor. Ma [no] paserà monto che e ve lo mostrerò cu^m lo dio e faròvelo cognoscer pareyxementi. E persò disponive ben, e fay penitentia e vivi neti e puri, e abiay caritay e amor inseme per lo amor de Dee, persochè lo regno de lo cel vor chotay homi”. E questi se maravegiava^m fortemeⁿti de queste parole. E speso le redixea^m inter elli. E dixeam: “Che serà questo?”. Ma no era^m ardij de demandar pu avanti; ma ben ge parea drito consegio quello che ello gi dava. E per questo prendean ardir de demandalo, como ello devesse* far la penitentia e l'astinentia e l'oration e oservar la puritay. E ello gi respondea largamenti e perfetamenti, si che questi s'afogavam de far so che ello dixea, e tronavam a caxa tuti atri homi che elli no eram avanti. E dixeam como elli avean trovao Zoane de Zacharia e como ello se laxava parlar. E comensàn a dir la soa dotrinna inter la vexinansa e per le zexie e in conspeto de bonyn homi e per tuto Ierusalen. E questi eran boyn homi e cretui; la dotrina era de grande veritae e la gente dava fe a queste parole. E comenzàsse a levar moⁿti homi e andavan a ello e trovavaⁿlo e odivam queste parole da ello. E tornavam tuti afogay, e dixeam queste parole a la gente. E incomensàn de andar a ello homi e femene de tute le citay de intorno a lo Iordam, a questo deserto. E quando Zoane vi la mutitudem^[sic] de la gente, dixea a lé mexmo: “Or no me posso pu asconder”. E vegniva a elli. E questi cu^m soma revereⁿtia lo aspeitavam. E Zoane comensava a prichar a quelli la penitentia, che se aproximava lo regno de lo cel. Questi stavam quasi* p^er odirlo. E sentivase muar e cambiar lo cor de la soa dotrina. Zoane stava un pocho lonzi, su quarche monteto. E quelli chi eran andaeti avanti a ello, stavan inter lo povo e si li ameistravam, che elli no zeissem tropo rente a ello, persochè ello se ne fuzerea. Si che ello* stava inderer cu^m grande reverentia. E setandose^[sic] cossì muar p^er le soe parole, comensàm la gente a criar: “Che vo-tu che noi fasemo, santissimo servo de Dee?” E san Zoane respondea: “Chi a doe gonelle daga l'unna, e semegeivementi de le atre cosse”. Pensemo che ello vogia dir: “Chi a pu cha la streita necessitay, si daga a quelli chi aⁿ men”. E monti vegnivam chi se desponeam a far ben so che elli eran ameistrae de quello. E monti ne devegnivam soi discipuli. E cossì vegando san Zoane che la turba vegniva in maⁿgna multitudine, comensà a batezar, como dixe lo santo evaⁿgerio. E stava in quello logo da lo fiume Iordan, che ge parea piu honesto e da poi far meio quello officio. E prendea quarche chopa e a quelli butava l'aigoa su la testa. E monto speso ge era lavaa* la coppa p^er devociun e portá(r) via, e un atro ge porzea la soa, asochè ello la tochasse. E cossì, coppe e scuelle e dogeti* g'eran levay e prestay p^er devocium. E beo se tegnea chi se poesse tanto acostá, che ello ge poesse tochar un pocho le soe vestimente. Quando vegniva circha lo vespo, ello se ne tornava in lo deserto, e la gente romagnea tutta cu^m grandissimo fervor e raxonaⁿ pur de ello. Archuⁿ dixea che ello era quello chi devea sarvar lo povo, zoè Chr^iste. E chi dixea che ello era Elya, chi era tornao, che saveam ben che ello no era morto. E chi dixea che ello era Heliseo chi era resusitao. E monti afermava^m che Dee no avea maⁿdao in terra cossì grande profeta e cossì santo e de cossì singular vita; e ben dixeam veir. E questa overa pu se dixea e pur crescea piu l'un di cha l'atro. E monti baroyn e segnoy de Ierusalem vegniva^m a vey lo fijo de lo grande sacerdoto Zacharia, soè Zoane Batesto. E tuti se maraveiava^m de odir le soe parole. E achascuno^[sic] se n'andava cu^m quarche bonna mutatiun in lo so cor. E monti ge vegniva^m chi se desponea^m segondo [lo so] conseio, persochè so che ello prichava ello avea faeto prima per ello. Le turbe lo visitava^m lo di e la note. E pensome ch^e g'era merchanti con cosse da vive, e de le tende unde elli stava^m. E la gente abundava tanta, che parea che tuto lo mondo ge vegnisse. E la matin quaⁿdo Zoane tornava, vegniva criando: “Fae penitentia e fae fruti degni de penitentia. Aparegiae la via de lo Segnor”. E tuto lo povo criava in ata voxe: “Cossì voiamo far. Vene, profeta de Dee, vene, mandao da Dee, e insegnane so che noi avemo a far”. E cossì se inchinava^m fin iⁿ terrra^[sic], cu^m grande reverentia e devocion. E cossì questa cossa andava cresando fin a lo iorno che Chr^iste se vegne a batezar.

Pensome che avanti che Chr^iste vegnisse a lo batesmo, vegnando la voxe grandissima in Ierusale^m e nove grandissime do questo Zoane, como ello anunciava grande cosse, fen cuⁿseio lo somo sacerdoto e ly scrivain e li farixei, e fen solenni e savij ambaxoi e mandàli a Zoane. E quaⁿdo questi zonzen, elli vin tanta gente chi croviva li monti e(l)li piain. E vin la reverentia che elli gi faxea^m, e vin Zoane de un aspeto virtuoso, de tanta segnoria e devocion, e abasàsse un pocho la soa arogantia; cu^m grande reverentia e timor andàn a ello, e semeiantementi lo saruàn e fenge honor cu^m grande reverencia. E san Zoane semeieivemeⁿti, e maor honor fe a quelli, persochè ello era pu humer e pu virtuoso. A anchor persochè questi representava^m la p^ersona de lo so^mmo pontifico e de lo atro so coⁿseio. E lo povo stava in grande amiration e faxeasse innanti a vorei veir e odir. E ello ge comandà che elli se tirassem in derré. E questi demandàn a san Zoane, chi ello era. E san Zoane disse che ello no era Chr^iste. E quelli dissen: “E-tu Elia?” E ello respose de no. “O e-tu profeta?” Disse-lo: “No”. Dissem quelli: “Chi e-tu?” E Zoane disse che ello era unna voxe chi criava in lo deserto: “Aparegiae la via de lo Segnor”, si como avea dito Ysaya profeta. E questi dissen: “Perchè doncha batezi-tu?” E san Zoane gi respoxe ardiamenti como quello chi avea la veritae cu^mseigo, e disse: “E batezo in aygoa, e dapoi de mi verrà quello a lo quar e no sum degno de dexligar li ligami de li soy casay, e si è in mezo de voy e voy no lo cognosi”. Questi se maravegiavan forte de queste parole. E cu^m grande reverencia preysen comiao da san Zoane e tornàm a lo so^mmo pontifico e a l'atro coⁿsegio, e dissem ogni cossa per ordem. E dissem anchor, como questo homo parea de tanta santitae e de tanta virtue che quasi vegniva^m men davanti da ello. Questi, odando queste porole^[sic], monto pu se maravegiava^m e fen vegnir la profecia e comensàn a mastegar queste parole, che san Zoane avea dite. E ben me penso che elli vissem che queste parole voream dir de Chr^iste, ma lo laxiavam star, como quelli chi no aman la veritae, ma ben lo troveremo* a lo di de lo zuixio, persochè san Zoane fo testimoⁿnio de la veritae de Chr^iste incarnao.

Or tornemo a san Zoane, che ogni di cresceiva la soa fama e pu se spandeiva. Vegne lo tempo che messer Ih^esu Chr^iste vosse vegnir a lo batesmo e andar su lo monte a far la soa penitencia. E partisse da la Maere corporarmeⁿti e vegne in quello logo unde Zoane batezava. E quaⁿdo ello fo preso a un migiar o* a un mezo, e a Zoane comensà a vegnir un grandissimo odor cu^m una nova devocion. E incoⁿtenente cognoscè che l'era Chr^iste chi vegniva. E vozesse intorno e no lo vi anchora. E lasia star ogni atra chosa, e goardavasse de intorno se ello vegnisse da alchuna parte. Era tanta l'alegresa che ello mostrava in la fasa, ch^e quelli chi stavan d'intorno se ne acorzeivam e monto se maraveiava^m, ma no savean de che ello avesse questa mutation, ma pre[n]deam devocium e revereⁿtia. E cossì stagando, ello vi zonzer lo Fijor de Dee. E incontenente lo cognoscè da la longa. E comensà a criar: “Echa l'agnello de Dee, echa quello chi porta* le peccae de lo mondo”. E criando comensà a correghe incontra, digando tutavia queste parole. La gente chi ge era se move tuta, e andavage derré a vey queste novitae. E quaⁿdo ello zonze a ello, incontenente se zità in terra tuto desteizo. E Ih^esu lo levà sussa, e abrazandose inseme e dense la paxe. Echa che se ne venne^m inseme a lo logo unde ello batezava; la gente chi era intorno se maravegià e pensava che Ih^esu fosse ben un grande santo homo, ma no lo extimava^m persò grande como Zoane, e monto se maravegiava e pensava su le parole che aveam odío da Zoane. E zonzando a lo logo de lo batesmo, e Ih^esu disse a Zoane: “Aparegiate a batezarme”. E Zoane comensà quasi a tremar tuto de la grande reverentia, e disse: “Messer, che me di-tu?” E dixea in lo so cor: “Batezerà la vilissima creatura lo so Creator? E serò ardio de meter la man su la testa de Dee?” E Ih^esu respoze a li soi pensamenti e confortàlo e disse: “Fa fraⁿchamenti, Zoane, so che t'o* comisso da Dee, che anchoi veirai la soma veritae de tuta la Trinitae”. La turba no inteize queste parole, persochè Zoane avea comandao a la gente che steizen inderré. E la multitudine de li angeri ge faxeam seve, benchè elli no se poissem veir. E despoiasse messer Ih^esu Chr^iste le soe vestimente e intrà inter l'aygoa. E iⁿcontenente li angeri comensàn a cantar. E echa unna luxe de cel chi lo coverse sichè no se poea(n) dicerne da la gente. E Zoane comensà a tremar per la grandissima reverentia. E echa lo Spirito Santo in spetie de colunba presso a la testa de Ih^esu, e a la man de Zoane chi era su la testa de Ih^esu. E Zoane stupefato quasi in lo tuto vegniva men*, se no fosse che lo fo coⁿfortao da la divinna virtue. E echa la voxe de lo Paere chi disse: “Questo è lo me Fijor dileto, lo quar in tuto me piaxe: obedílo”. O Zoane Batesto, o serafin in carne humaⁿna, chi fo mai in questo mondo, cossì faeto, cossy presso, cossì in cuⁿcordia de la santa Trinitae*, como tu eri in questo poynto? La man aveyvi su la testa de Dee, cu^m li ogij veívi lo Spirito Santo presso presso a la toa man, tanto che lo sentina* lo so doce calor. La voxe de lo paere odivi cu^m le toe orege presso a ti. O che grande virtue de fortesa chi te fo daeta, che tu te poivi tegnei drito! Péro e Zoane e Iacomo, quando elli fon su lo monte, che Chr^iste se tranffigurà, ven* ben la vestimenta biancha como neive, e vin ben la fasa de Chr^iste resplendeⁿte como lo sol, e vin ben Moyses e Elia, e questo poen soferí. Ma quando vegne la voxe de lo Paere, no lo poen soferí; caiteⁿ in terra quasi morti. E ti, Zoane, no cheisti, perochè tu eri de prea, soè tu eri tanto coⁿfortao per lo amor de Chr^iste, chi e dito prea, e ello era cu^m teygo, e persò no poivi cheir. E(l)lo to corpo era quasi de ferro, che semper lo aveivi batuo e picao, si como se bate lo ferro fin che tu eri pisenin cu^m veraxe e aspera penitentia. E(l)lo ferro, como e meio batuo, pu è sodo e pu forte. E cossì eri tu faeto, Zoane, per la divina bontae.

Or echa che batezao messer Ih^esu Chr^iste, humermenti se veste; e insiando Ih^esu de l'aygoa, Zoane desirava che l'aygoa steisse ferma per voreissege butar entro cu^m li soi discipuli. E messer Ih^esu cognoscè lo so desiderio, e pensome che ello comandasse a l'aygoa chi steise ferma tanto che Zoane ge intrasse dentro. E Zoane vegando questo, preyze archum segnar a l'aygoa p^er recognoscela. E avia(r)sse messer Ih^esu p^er andarssene su lo monte, e Zoane lo aco^mpagnava cu^m tuta reverentia e amor che ello poea. E li discipuli de Zoane vorem andarghe deree, e Zoane ge insegnà che elli steissem inderré. E poa andà un pocho cu^m messer Ih^esu, raxonando pur de so che era a far. La gente se maravegiava tuta e dixeam: “De, como par santo homo questo a chi Zoane fa tanto honor e como par cossa da ben”. Ma pur Zoane avea^m in mao reverentia. E quaⁿdo fon andaeti un pocho, messer Ih^esu disse a Zoane: “Torna a far l'oficio che te a daeto lo me Paere”. E pensome che Zoane ge demandà parola: “Messer, fame questa gratia, che e vegne la seira [a] abergar apresso a ti; e starò basso e no parlerò noma como tu voray”. E messer Ih^esu gi dè parole. E díxesse in lo libero de la vita de Chr^iste che quello monte è presso a quatro migia unde Zoane stava a batezar.

Echa che Zoane se ne torna a lo povo, e la soa fasa era faeta de novo splendor, che ello aquistà quando ello batezà Chr^iste, a lo moo che fe Moyses quando ello vegne de su lo monte, ch'elo avea parlao cu^m Dee. Torna Zoane a far lo so ofitio, poa che ello ave acu^mpagnao messer Ih^esu. Jamà Pero e Andrea; e tuta la gente fe star da parte. E tornà a lo fiume Iordam e vi ferme^[sic] lo segnal che ello avea faeto. E despoiasse e zitasse dentro e sobachasse tuto in questa aygoa. E poa se levà drito e disse a Pero: “Prendi la scuela e butame de l'aygoa su la testa, in lo nome de lo Paere e de lo Fijor e de lo Spirito Santo. Pero cu^m grande reverentia e timoroxamenti parea che vegnisse a questa overa. E san Zoane lo confortà e disse: “No temi, Pero, persochè a monti te coverrà far questo ofitio”. E Pero no inteize queste parole. E quando Zoane insì fora, ge misse dentro Pero e Andrea e dixea de hora queste parole: “Anchoy è santificá questa aygoa”. E ihamà monti atri de li soi discipuli e semeieivementi li batezà, e fe cossì fin a la seyra, che se ne vor andar. Pero comensà a vorey representar queste parole. E abiando visto lo di tante novitay, pensasse de voreilo demandar. E disse cossì a san Zoane: “Vo-tu che noy vegnamo damatin fin in cotal logo, che noy te vogiamo un pocho parlar avanti che tu zonzi a lo povo?” E san Zoane disse de si. E quando se acostà la seyra, preize comiao e vasene a lo deserto, como solea. E vassene su quello monte, quato quato.* E missese da un lao asae da lonzi co messer Ih^esu.* E stava in oration. E pensome che messer Ih^esu quarche vota de la note andasse a parlar cu^m ello un pocho. E che Zoane ge demandasse: “Messer, vo-tu che te pareze in tuto?” E messer Ih^esu responde: “O Zoane, no è anchor da tegney altro moo cha questo che tu fay. Quando e comencerò a prichar, laor vorò che tu me parezi, e che tu mandi la gente a mi quando tu porray”. E cossì stavam un pocho inseme questi doy chy se amavam tanto. E certo scritura nigunna no dixe, ch'e sapia, che messer Ih^esu avesse conpagna alchunna [in sul monte]; ma perochè ello g'era cossì preso, me deleta de pensar che Zoane zeyze preso a ello la note, presoch^e tuto lo so amor era Ih^esu, e tuto lo deleto de l'anima soa, digo che poreiva esser da che l'era cossì presso , e ello lo savea. Questi sum li me pensamenti chi me deletam de pensar. La veritae semper sea salva, che mi no aproho, ni vogio aproar, nigunna cossa, noma quella chi e aproá per la scritura santa. Retorna Zoane la matin. Pero e Andrea e archu^m atri secretari se pa^rtem da le turbe e andàn per la via unde ello devea tornar, a la longa pu de un migiá; e si lo aspeitam in quarche loco pu remoto da la via. E la matin, quando san Zoane vegniva, cu^m grande leticia si ge zesem incontra. E menànlo in questo logo for de la via, e(s)se missem a seze. E Pero disse: “Noi avemo monto pensao in le parole che tu ne dixesti heri, e parenne de grande maravegia. E chi è questo agnelo che tu ne mostrasti cu^m lo dio, chi dee lavà le peccae de lo mondo, e féistige reverentia, como se ello fosse to Segnor e maor de ti e santo? Amchor vimo quando tu lo batezasti, parse a noy che descendesse sove noi nova luxe e novo splendor, intantochè quasi e no ve poimo veir. E poa, quando tu tornasti cu^m tanta alegresa, ancor te butasti in quella aygoa unde ello era insio. E anchor deisti* a mi che te batezasse e che monti e ne batezerea. Anchor questi ne parem parole de grande amiratium”. Responde Zoane brevem^enti: “E no me voio inpaihar de destende queste parole innanti, persochè tosto l'odixee* de la soa bocha la veritae. Laora veirey e aregordereive e intenderey so che v'o dito che l'è veraxe. E mi ge sum per testimonio de la veritae e de la luxe. Che mi mesteso avanti che morio, farò ihayramenti vey queste parole”. Queste reverentementi se sten e no demandà[n] pu. Ma piascum de lor romaçe monto maravegiao in lo so(r) cor; e forsa che elli aveam portao de lo pan p^er maniar un pocho cu^m ello, cossì da ello a elli. E pensso che san Zoane cuⁿdescendesse a elli cossì pietosameⁿti ch’elo steisse cu^m elli una grande pesa innanti che ello tornasse a le turbe, raxonando del^[sic] regno del cel e della soa iustixia e de la penitentia, e raxonando como lo povo de Dee era alargao e straniao per la ypocrixia e l’avaritia era interra* inter li guiaoy de lo povo, e como ogni virtue era quasi vegnua men. E raxonavam inseme, como farea a lo di de anchoy arquanti bonyn^[sic] homi trovandosse inseme. E penso che san Zoane mangiasse de lo pan alchuna vota, quando ello vegniva a star inter la gente. Se ello no avesse mangiao de lo pan archuna vota, quando ello era inter la gente, como averev^elo posuo avey ogni di de li soi cibi de lo deserto? E abiamo cossì mangiao, tornao* inseme inver lo fiume a le turbe. Unde la gente, vegandoli vegní, estimavam beae questi chy eram andaeti a star cu^m ello inter lo deserto.

Or echa Zoane tornao a batezar e a prichar cum mao fervó cha avanti. E li soi discipuli eram cu^m ello monto ferventi, e la gente pur cresceiva, e Zoane pur pricava e reprendeiva li peccay e vicij ferventementi. E moⁿti principi e baronin^[sic] vegnivam a ello de Ierusalem e de altre parte con grandi chavali e con monta co^mpagnia, per veilo e per odir la soa dotrina; pocho ge stavam e pocho ne curravam, como fan al^[sic] di de anchoy che pochi se ne coⁿvertissem de questi pessimi grossi*; ma monti se ne tornavam maraveiae e coⁿ graninde novelle. Sichè Herodes, chi era segnor in le parte de Galilea [e] era homo lengier de vei novitae, se pensava de vorei andá a vei; e aco^mpagnasse de monto grande co^mpagnia e lizadra gente. E disse: “Andemo a vey questo Zoane de Zacharia e queste grande cosse che ello fa e dixe”. E zonsen a lo fiume Iordam, unde era tuta la gente con Zoane, e zen a ello e(f)fege honor coⁿ grande reverentie [perocché l’aspetto suo era di grande reverenzia]* e inzenoiavaⁿ quasi in tremor* a chi lo veiva da prima no erello^[sic] si grande segnor. E san Zoane lo receive amorozamenti, e incoⁿtenente s’apareià a prichar, e montà lasù in una prea, como ello era uzao. E comensà a prichar e a dir: “Fai penitentia, che se aprosima lo regno de lo celo, e fai fruti degni de penitentia, che se aproxima la salvation vostra”. E vegando ello questa gente, così orgoioza e lezadra, cressando elli in grande fervor, incomeⁿsà a menasáli digando: “Generation prava, chi v’(a)asegurai de la ira de Dee chi degnamenti dè vegní sova de noi. Or no ve avei che la segúe [è] missa* a la reixe de lo arboro, e de di e de note taglia? Or no ve creivi* vegní a fin? Veramenti la morte v’apressa, e depoí la morte, che varà la penitentia vostra? Defenderàve le richese vostre e le resplendente vestimente e li axiai deleti che voi prendi? Certo no ve defeⁿderam, ma continualmenti testimonieram contra de voy e crieram che la ira de Dee ve vegna adosso, perochè no avei faeto penitentia in questo mondo. Alaora veirei como se governa^m li peccaoi; alaora serei in tanta miseria, che no se poreiva pensar”. E remeteiva la voxe graⁿde, e dixeiva: “Crei a mi e fai penitentia avaⁿti che la morte ve vegna. Habiae misericordia de li poveri e no fai atrui quello che voi no voressi che fosse faeto a voi, se voi vorey che la ira de Dee no ve vegna adosso”. A questa voxe Herodes stava stordio, e tuti li soi baroni, e parea a lor che questa voxe quassi fosse quella de Dee, e grande mutation sentivan in li lor choi. E quaⁿdo san Zoane ave prichao, descesse zussa, e alegramenti vegne a Herodes, e trètello fora de tuta la gente, e amighevementi se misse a sedei cu^m ello. E conmeⁿsàlo a reprende dosementi, digando: “E me maraveio forte da ti, Herodes, pensandome che ti debij esser speio de virtue e de bontae a tuti quelli chi son sotto la toa segnoria. E m'è staeto dito, che tu tegni la moier de to frae carnar, e àgiela levá questa note, p^erchè no è licito*, ni piaxe a Dee, e dai exempio de ti a tuto lo mondo. Or no e-tu rei? E dei esser pin de raxum. E se un altro feise como ti, no covereiva che ti lo castighasi e(l)lo reprendesi e per forsa li feissi le atrue chose rende? E doncha como poi-tu reprende atrui, se tu fai queste cosse ti mesmo? Anci dai materia a altri a mal far. Unde so te prego carissimamenti, che ti no faci piu chossì, avanti, voio che ti temi Dee e lo zuixo so, e a l'anima* serai drito rei. E pensate ben che ti no voresi che fosse faeto a ti cossì como ti fai a lo to fraelo”. Herodes ascotà e parea che tuto vegnisse men, e de coⁿfuxium e de vergogna, e niguna scuza no ge poiva far, ni sappe, se no quasi tremando se ge arecomaⁿdava, e che ello pregase Dee per ello chi ge feise misericordia. E san Zoane ge respose: “Lo Segnor è aparegiao: fa ti da la toa parte quello che se coⁿvengne”. Eche se ne ven Herodes con la soa familia e conpagnia tuto pensozo e tuto deschonsorao, perochè ello no poiva a la soa coⁿsientia trová chosa* de quello che san Zoane ge aveiva dito; e tornà a chassa. E quella soa misera, chi lo tegneiva, se n'avì e comensallo a motezar e a dir: “Che [è] questo? E-tu converso? Che t'a dito questo santo homo?” - fasandose beffe de Dee e de li santi soi, como fan li soe paere. Ma pu quando Herodes ge disse quello che Zoane ge aveiva dito de ella, no ge parsse zeche* [e] incontenente se inflomà* in lo cor so un odio grandissimo inver san Zoane, p^erchè a ella parea che Herodes fosse un pocho tochao. E cognosceiva ben che se Herodes l'avesse abandoná, ella sereiva la pu misera e la piu abandoná femena chi fosse quasi in lo mondo. E me penso che se ella avesse visto che Herodes delle parole de san Zoane no se fosse convertio, anci se n'avesse faeto beffe, cossì averea faeto autressì. Ma p^erchè la vi che Herodes la* loava de gran santitae e pareiva devegnuo pensozo e timoroso delle parolle soe, ella, per paura^[sic] de no perder lo stao so, misse man a doe chosse: l'una da lozengar Herodes quanto poiva de quello che ella creiva che ge devesse piu piaxei; l'altra che ella acomensà [ad entrare] in la santitae de san Zoane, a mormorà de ello, e trovava da si mesma fasse cose e dixeiva a Herodes: “Cossì m'è dito de ello cella^tamenti”.* Archuna vota lo dixeiva [a] archuna p^ersona, p^erchè lo dixessem a Herodes p^er infiamálo*. E questo tristo cecho dava orechie a le parolle e no cognosceiva como elle eram dite vitiossamenti; e a tanto vegne, che no ge era nigum de la corte, ni de la famija, si ardio chi se inchalasse arecordar davanti a ella san Zoane. E quando vegniva archuna grande dona, [o] de questi grandi homi, e no savesse li faiti de ella, e loavam li faiti de san Zoane, incontenente le cognosceva* e dixeiva le falsitae che ella avea pensao in lo cor so, digando che elle eram staite dite d'altri. E cossì questo odio cresceiva in lo cor so ^continuamenti, fin a tanto che lo fe morir.

Retornemo a san Zoane, chi stava a lo fiume Jordan e fava l'offitio de* Dee ge avea comisso, semper ^con maor fervor e devotion e ^con mao amor l'un di cha l'autro, e cossì la gente cresceiva ogni di iⁿ maor devotion e amor de ello. E piaschum afermava e dixeiva che ello era lo maor propheta che Dee avesse mai mai mandao in lo mondo, e ben se dixeiva^m vero. Echa che se aproxima^m li quaranta di che messer Ih^esu aveiva co^mpio e che ello deveiva descende de lo monte; e san Zoane se ne vegne la seira a bona hora e andassene a lo monte presso a ello (e disse), como tarvota soreiva. E penssava e dixeiva in fra si mesmo: “O Segnor me, quando me porai satiar de ti l'anima mea, e stá coⁿteigo semper che mai no me possa partir, persochè tu é vita e me cibo docissimo e de l'ama^[sic] mea*, e sensa ti no posso avei nigum ben?” E cossì desirava Zoane e languiva in lo doce amor che ello aveiva in lo Fijor de Dee. E messer Ih^esu stava lasù in oration et era tirao da questo docissimo amor de Zoane e dixeiva: “Che voi-tu, Zoane?” E ello dixeiva: “Segnor, quando tu é coⁿmeigo, alora è pin tuto lo desiderio mee”. E pensome che messer Ih^esu li dixesse: “Vei che deman verò coⁿteigo, ma voio che da matin debij romagnei coⁿmeigo e staghemo coⁿtinuamenti in oration. Perochè a mi coven semper co^mbate coⁿ lo inimigo, zoè coⁿ Lucifero maor; e cossì como Adam fo vensuo e sconfito da ello, cossì serà ora sconfito da lo Fijor de la Vergene. E tu starai in oration e veiraime co^mbate, e quando tu me verai respondere^[sic] e tu reponi le parole in lo cor to, si che possi e sapi insegnar a altrui, pero[chè] so che faso, si è a vostro exempio e amaistrameⁿto e dotrina. E quando [tu non me] veirai, e tu cria a Dee: Misericordia de lo povo to, e de* lo imperio a lo Fijor to, a[so]chè o co^mbata con noi; e mi te renderò possa la bataia e la vitoria; e coⁿfortate, diletissimo fraelo, che ogni cossa vegnirà ben faita, si che co^mpirà la redention de la humana natura”. Fim a chì Zoane era alegro e iocundo, tanto che no se poreiva dir de queste nove che messer Jesu ge dixeiva; ma questa parola ghe devem pianto e dolor crudelissimo. Dise: “Dime*, messer Jesu, che tropo te costerà cara questa redemption!” E messer Jesu lo coⁿfortava e dixeiva: “Zoane, no temi che la overa reinsirà bellissima in lo coⁿspecto de Dee; che se tu lo poessi veir, como mi, la faiga te pareiva ninte. Romagni in paxe e vegni* questa note comeigo, e ora, perochè è tempo da orar e da veiar”. E tornàsene messer Jesu a l'oration. E Zoane romase tu' pin de fervor [e] d'amor, arecordandosse de queste parole, e della vitoria che ello aspeitava de veir. Vegnua la matin per tempo, eche che messer Jesu mostrà fame a Sathanas chi stava coⁿtinuameⁿti a vei questo di* così forte, temando che ello no fosse lo Fijor de Dee; (e Zoane era in loco ch^e se veivam inseme)*. Disse Sathanas: “Se tu é Fijor de Dee, comanda a queste pree [che] devegnam pan e mangiane, perochè e vego che ti ai fame. E lo Segnor respose: che no de solo pan vive lo homo, ma de la parola chi procee de la bocha de Dee; e san Zoane ascotava ben questa parola e ben la reponeiva in cor so. Echa che Jesu se laxà portá a lo demonio; Zoane no lo vi pu. Alora Zoane criava, como messer Jesu ge aveva insegnao; anchora dixeiva a Dee Paere: “O Segnor Dee omⁿipotente, or che cree far questo anticho dragon inimigo de la humana natura, chi semper n'a inganao e coⁿculcai? Segnor, daghe la vota sota ormai, e dà la vitoria a lo Fijor to, chi è vegnuo a mezao* inter ti e noi, per far la paxe. E a ti sea lo honor e(l)la gloria sempermai”. Queste e monte altre parole dixeiva san Zoane a Dee orando, e vozeivasse d'intorno se ello visse torná Jesu d'arcuna parte, e no laxava persò de orá, e niente dormiva, ma stava coⁿ fervó achorto. E subitamenti, stagando archum intervalo de tempo, echa che messer Iesu fo reposto là unde ello era stao levao; e Zoane lo vi e fo tuto coⁿfortao, che ge parsse vei manifestamenti che Iesu era tornao vitorioso. E stava fermo e no aveva ardí de (dem)andar a ello se [n]o lo iamasse*; e messer Jesu incoⁿmensa a criar questa parola gloriosamenti de lo magnificat chi fe la Maere soa, soè: Fecit potentiam in brachio suo, dispersit sup^erbos meⁿte cordis sui. Deposuit potentes de sede et exaltavit humiles. Esurientes implevit bonis et divites dimisit iⁿanes. E san Zoane lo inteize tropo ben, come^[sic] Lucifero sup^erbo perdereiva la segnoria soa, che ello avea sovra la humana natura, [e che la humana natura] sereiva exaltá per humilitae de Chr^iste; che disse san Polo, che ello humilià se mesmo e prese forma de cervo*. E san Zoane, odando queste parole, se alegrà e coⁿfortà visibilementi*; digando Chr^iste queste parolle, eche descende li angeli visibilemeⁿti, e fen la reverentia a messer Jesu, e aduseⁿge da maniar e apareiam e servivalo coⁿ tanta reverentia, como poeivam e saveivam. Ma tu, messer Jesu, como farai? Echa Zoane chi a tuta note vegiao con ti; no ge faray tu asazar de questo maiar^[sic], seando stao in oration fin a chi como ti li dieste? Certo se ello ge era, como è da crei, questo so testimonio, che ello amava tanto, ne assazà de questo cibo, e lo servì e apareià inseme con li angeli. E quando elli aven maniao, e messer Jesu comando^[sic] a li angeli che se ne retornassem a la patria celestiale.

Aora se ne ven inseme zusa de lo moⁿte messer Jesu e Zoane, e venen raxonando de quello che elli an a far a lo presente. E dixe Zoane a Iesu: “Messer, metime in man quello che o a far e aora (e) demente che starò chì, [e] possa quando e serò in prexon; dime la toa voluntae, e serò p^er obedir quello che tu me comaⁿderai, e pregote che tu sei semper coⁿmeigo”. E messé Jesu ge responde [e dicegli ciò] che ge coⁿven far e dir, e ben promete che serà semper coⁿseigo; e végnessem a le turbe chi aspetavam san Zoane coⁿ grande desiderio chi vegnisse. Li discipuli de san Zoane se ge fen incontra e dixeivaⁿ inseme: “Echa che quello è quello che ello ne mostrà con lo dio, e disse: Echa l'agnello de Dee”. E(f)fen grande reverentia a messer Jesu, ma tutavia a san Zoane maor. E messé Jesu vègne inter questa gente a veir e a odir como la gente disponeivasse. E Zoane acignava a li discipoli soi e a tuti li atri piu cognoscenti e domesteghi, chi andassem a messer e feisege reverentia e ascotassem le parolle soe. [E Messer Gesù disse loro molte belle parole], afermando quello che Zoane dixeiva de lo regno de lo cel e de ogni altra cossa. E semp^er maor e piu cosse ge dixeiva, e questi lo intendevam ben e romagneiva^m in le lor memorie, e deletavanse de odirlo. E staito che ello fo un pocho, messer Jesu se partì e dè la benixon a tuti quelli chi eram lì chi se disponeiva^m secondo lo ^consegio de Zoane; e Zoane e li discipoli soi lo aconpagna^m tanto quanto ello vose fora de le turbe. E semp^er andavam raxonando de la salvatium de la anima. E partisse da ello, e Zoane retornà a le turbe coⁿ li discipoli soi; e elli demandàm: “Chi è questo Jesu?” E Zoane respose: “Q^uesto è quello chi fe*ferà salvi se voi obeirei li soi comandamenti”. E respondeiva archuin: “Messer, noi cremo che questo sea bom homo, ma no se voiamo partí da ti”. Responde Zoane: “Voi no ve partí da mi, quando voi farei ben so che ello vorà, perochè ello è lo meistro e mi son lo discipulo, e si è besogno che cresca in lo cor vostro”. Questi se maraveiava^m de questo^[sic] parole, ma possa se pensavam che Zoane lo dise per la funde*humilitae de lo cor so. E messé Jesu se ne va e incoⁿmensa a prichar cosse dixe in lo santo evaⁿgerio. Zoane prica quando*ello po. E avegandosse che Herodes no corre*de zo che ello ge aveva dito, e lo peccao era palese e abomi[nei]ve a tuto lo povo, comensà a pregàlo*pareizementi e a reprendelo e a biasmalo, quanto se po dir, si che queste parole fon redite a Herodes, tanto che Herodes se comensà a desdegnar in lo cor so, perochè da questo peccao partir no se vorea, e esser vituperao davanti da lo povo de la bocha de santo homo monto ge incresceiva; e quella soa pessima femena avea alaora tempo de parlá, e sofiava la ira in lo cor de Herodes quanto poeva, che lo so era ben azessa. Tanto che, raxonando inseme, consentivan l'uⁿ a l'atro de farlo morir, se elli poessem, ma no era anchora tempo, che tropo era grande san Zoane in lo conspecto de lo povo. Si che no aveam ardir de mostrá lor marvoreir pareizementi; e pensome che messer Jesu avesse revelao a san Zoane la morte soa e lo moo, e possa ge avea dito como devea prichar. E san Zoane, como cavaler valente, e priⁿcipo de Dee, no lasava traito a dir e a far de quello che Dee voeea^[sic]; e aspeitava lo martirio so coⁿ grande alegressa, per doe caxoin: l'una, perochè ello savea ch^e Chr^iste dovea morir per li peccaoy (n^ostri), e ello se reputava beao a morir per la iustixia, soè per repreⁿder li peccaj e li vicij; e l'atra caxuⁿ si era, che ello moriva così vorentera, avanti cha Chr^iste, perochè no ge dava lo cor so de poi sostegnei de vei tormentar cossì lo Segnor so Ih^esu Chr^iste; che tanto era l(a)'amor che ge portava, che pur pensando de quelle cosse sereiva caito in terra morto, se no fosse la divina gratia chi lo sostegneiva. Sichè Zoane prichava contra Herodes senza poira, [e] ogni vota ch^e ello veiva vegnir de quelli maioranti de lo povo, o gente curiosa, alora prichava pu fortementi coⁿtra li vicij e peccai e maxi[ma]menti coⁿtra lo peccao de Herodes.

In quello tempo messer Ih^esu iⁿcomeⁿsà a prichá e a fá miraculi. Quando la gente vin fá miraculi a Ih^esu, i^ncomensàm [a] andar deré a ello, pu l'un di ca l'atro, sichè la gente in^comeⁿsavam a mormorá* a Zoane. E Zoane alegro sospenzeiva la gente quanto piu poiva a meser Jesu, e(l)li miraculi piu cresceiva[n], e(l)la fama comeⁿsava a spande p^er tuta Iudea, e tiravam a ello tuti li infermi da tute le parte. E infra questi tempi vegando li discipoli de Zoane che la gente andavam deré a Iesu pu l'un di cha l'atro, incomensà[n] a mormorá, e pareiva una corteize invidia, p^er[chè] no creiva^m che in lo mondo fosse così santo homo como Zoane, ni quasi poisse esser se non Dee*; e ben s'acostavam a la veritae; perochè Chr^iste mesmo disse de Zoane che no ge era nissum maor de ello. E tanto in ló se move*, che elli lo dissem a Zoane, digando: “Questo, che tu loasti contanto, tuta la gente van a ello, e(f)fasse iamá meistro; or echa che la gente amerma* da ti”. E mostrava[n] ben che no ge piaxesse a lor questo faeto. E san Zoane li goardà virtuosamenti e incomensà d'ameistráli e a repreⁿdeli e disse: “Gente stulta, no ve arecorda ch'e ve dissi che l'era bessogno che ello cresseze e mi minuasse? E no ve arecorda che e dissi a li messi de priⁿcipi delli sacerdoti, che mi batezava in aygua e che dapoa a mi verea quello chi è faeto avaⁿti de mi, chi ve batezava* iⁿ aygua de Spirito Santo? E dissi ch'e no era degno de desligá lo ligame de li soi casae? Crei-voi che abia ditte queste parole p^er iⁿdivination, osea como homo chi voia dí de co^mpiaxensa, o che v'abia dita la veritae? Che e so p^er certo, che e sum [so servo] e foi mandao da Dee p^er apareiar la via avanti a questo e a dispone lo povo che elli fossem pu ati a cree in ello, a receive la dotrina soa, chi è profeta”.* Sovra questa materia disse moⁿte atre belle parole, delle profetie de ogni cossa che ello saveva e poiva, p^er aconzar li animi lor a cree a Chr^iste. E dixeiva a elli: “Or vei-voi, ch'e amo pu ello cha mi; e so ch'e o faeto p^er ello si l'o faeto e p^er lo so honor, e p^er mi e sum ninte sensa ello, e ello è tuto e ogni ben, e no fei ni poei mai fá ninte sensa ello. E a ello si è l'honor e(l)la gloria; e cossì l'averey, se voi vorei cree, imperochè chi seguirà ello e(l)la soa dotrina, no porrà mai vegní in tenebre, [perocch'egli éne lume ch'è venuto nel mondo, e io ne sono vero testimone,] peroch'e lo cognoscei in lo ventre de la mea maere, esendo ello in lo corpo de la Maere soa, e la mea maere profetizà e crià, digando che a no merita che la Maere de lo me Segnó vegna a mi*. E anchor disse de l'alegressa ch'^e aveva faeto in lo ventre so; e lo me paere e la mea maere aven cognosimento ch^e ello era lo Salvao de lo mondo”. E vegne san Zoane in un grande fervó e comeⁿsà a dir: “[Non dubitate] che voi lo cognoscerei anchora meio e arecordaive che e le o dite chi eram andaete a odir lo angello inmaculao*; andai a odir la dotrina de lo Salvao, e digo quello lo quar e ve o mostrao coⁿ lo dio: quello è l'agnello chi leverà li peccay de lo mondo. E biao chi creerà iⁿ ello e seguirà la soa dotrina; e se mai archum ben [mi vedete fare] si è da ello, perochè ello è me Segnor, e questo è Dee veraxe. E no anderà monto che voy verei e cognoscerei che l'è la veritae quello che ve digo”. E la gente chi lo odivam e anchor li soi desipoli se ne maraveiavam fortissimamenti, che monto speso odiva^m dir queste parole. E le bonne anime ne preⁿdeam ben e andava^m deré a Chr^iste, [e i rei] se maraveiavam e no l'intendeam e prendeam suspecium pu cha dovereiva.* E li soi disipoli l'amavam pu da bom cor cha avaⁿti, persochè gi parea che in lé fosse grande humilitai, che ello metesse cossì grande Chr^iste, e ello cossì se humiliava, e p^er questo l'aveam p^er pu santo, e pu l'amava^m. E monto se maraveiava^m de le grande cosse che ellj odivam de Chr^iste, e davange fe fermamenti, ma no eram de tanto intendimento de intende so che Zoane dixea. La gente mermava^m a sam Zoane ogni di. E monti parlava^m de Chr^iste e monti de Zoane p^er le contraj, e faxeam coⁿtrasti, e dixeam che Chr^iste faxea de grandi miraculi e grande cosse. E atri dixea^m che l'era maor Zoane: “p^ersochè noi l'amo cognosuo fim piceni^m, e si è fijor de san Zacaria sacerdoto, e fo miraculoso lo so nasimeⁿto e miracoloza tuta la soa vita”.

Infra questo tempo vegne le nove a Herodes e a la soa pessima compagna, como la gente se partiva^m da Zoane e como certe gente mormorava^m de ello, e como dixea certe cosse de Chr^iste chi no eram ben inteize e che a li moi* de lo povo [e] de la leze no piaxea^m quelle parole. E incontenente che Herodes odì queste parole, ello se alegrà monto forte. E preize baodanza a parlá cu^m questa soa adultera, e disse: “Zamai* poremo mete maⁿ in questo homo, chi n'a menao tanto per bocha, quando noy voiamo; e speciamenti che de ello è nasuo alcum mormoraj jnter le gente”. E alegravase inseme e dixea^m: “Aora è tempo, pensemo lo moo como devemo far”. E no mostraⁿdo, veⁿnem demaⁿdando de li faiti de Zoane. E questa rea femena se mete a demaⁿdar de san Zoane; e se ella n'odiva dí un pocho, si ne dixea cum Herodes trea tanta; e Herodes ora pu* timorosso, p^er pao de lo povo. Ma nintedemen tanto lo forsava lo so pecao e l'amor che ello avea in questa. E odando pu in questo mezo che san Zoane pu manchava, e la gente e la fama no eram cossì como soream, pensàm questi marvaxi e dissem: “Mandemo p^er ello; e parà che noi se voremo convertí e avei coⁿseio da ello de li nostri faiti, e fazamoge graⁿde honor e reverentia in la soa vegnua e tegnamolo cocì alquanti iorni e demaⁿderemolo de so che ello dixe e a dito; e se noi verremo che lo povo (no) lo demaⁿde, si lo poremo rende e diremo che noi l'amo tegnuo p^er avei cunseio cu^m elo de li nostri faiti. E se noi veiremo che la gente no se ne daga tropo breiga, laora penseremo zo che noj ne voremo far”. E inconteneⁿte preisem doi de la soa famigia, persoⁿne savie e ameistrae. E no gi mostràm la soa mara intencium che elli aveam, ma gi dissem: “Andai a quelo santo Zoane, de Zacharia, e pregaⁱlo humementi che gi piaxa de vegnir a noj, che noj voiamo conseio da ello de certi nostri faiti”. E li ambasaoi zem a san Zoane e saviamenti dissem la soa ambasá. E san Zoane li resevè graciosameⁿti e disse: “Andai e dí a Herodes che fermamenti e verò a ello”. E si gi dè un certo termeⁿ. Tornàm li ambasoi a Herodes e dissem la reposta de san Zoane. Questa pessima femena inrabiava, p^ersochè ello no era vegnuo. E p^ersochè ella dubitava che ello no vegnise e no scampase da le soe main. E Dee avea ordenao che ello no scampase da le soe main; prumeramenti p^er lo zuixio de ella chi n'era bem degna, e poa p^er achese lo so grande principio* e p^er dage la coroⁿna de lo martirio, p^ersochè ello moriva p^er la iustixia. Abiando san Zoane inteizo l'anbasá de Herodes, incoⁿtenente se pensà quello chi era, p^ersochè ello l'aspeta[va] de di in di; p^ersochè meser Ih^esu Chr^iste gi l'avea dito e pronoⁿciao. Vegnege l'alegresa graⁿdissima, e tornà la seira pu p^er tempo a lo deserto. E disse [a] alquanti de li soi disipori ch'elli (no) l'aspeitasem la matin, e che no zeisem in atro logo. E Zoane se ne va a lo deserto, alegraⁿdose de la soa vitoria che ello vea chi era apare(a)iá tosto; e quando ello zonse a lo logo unde ello vorea demorá la note, si se dè a l'oratium e a regratiá Dee de li soi beneficij, e speciamenti de quelli che Dee gi avea faito [e cominciasi dalla sua concezione, come l'aveva fatto] anuⁿciá a l'angero, e como l'avea faito nasce de cossì santissimi soi amixi, e como ello l'avea santificao in lo ventre de soa Maire e daitoge veraxe cognossimeⁿto de lo so Fijo, e como la soa Maire l'avea purmeramenti^[sic] tocao cha niguⁿna atra p^ersonna in lo so nascimento, e de la domestegeza che ello avea avuo cu^m la Maire e cu^m lo Fijo, e como l'avea rezuo e governao p^er li des^erti fim de picenitai. E como l'aspereza de le bestie salvaige gi le avea redute a maⁿsuetude^m do angeli* e cossì stava[m] cu^m ello; e cossì tute le gratie e vertue e cognosimeⁿto in overe picene e granide. E cossì dixea de tute le gracie e de tute vegniva loando e regraciando Dee. E de lo beneficio che ello avea recevuo, de batezá lo Fijo de Dee. E como gi dè veraxe cognosimeⁿto de la biá Trinitai; e quando s'aregordava che ello avea avuo inter lo soe main lo Fijo de Dee in lo fiume Jorda^m, e vi cu^m li ogi lo Spirito Sainto in specia e in forma de colunba, e odì la voxe de lo Paire. E laor vegne in tanto frevó che ello se zità in terra e abrazava le pree e ogni cossa che ello trovava, p^er amor de quello chi le avea faite. E zitava la voxe graⁿdissima, digando: “Or Segnó, che gracie e che doni^[sic] e che beneficij ai-tu faito a questa toa vilissima creatura!” E levasse suza. E inviava li oxeli e le bestie e li cel e le stelle e li deserti e tute le creature, chi lo devessem ayar a rende gracia e a loar lo Creator de tanti beneficij, como Dee a faito sover unna creatura; e p^er questo ello se desponea de morí, no tanto unna vota, ma dexe milia vote, se tanto poise esse p^er lo so amó. E cossì stagando in questo frevó grandissimo tuta vota* loando Dee de ogni cossa, (e) la matiⁿ p^er tempo benixì lo deserto e benixì li oxeli e le bestie, quaxi como se ello se descomias[se] da elle. E poa se ne vegne e trova li soi disipoli chi lo aspetavam, e monte atre gente. E san Zoane comeⁿzà a pricá e disegi pu avertamenti de Chr^iste che ello avesse mai dito, indugando la gente che elli devessem andar a Chr^iste, e seguir(lo) la soa dotrinna, e como serea biao chi cresse in ello, e como ello era lo so Segnó e lo meistro e lume de tuta veritai, e como ello fava salvo lo povo. E monte atre cosse belle, chi se poiva^m dí de Chr^iste e che Chr^iste l'avea bem ameistrao che ello deisse queste cosse, p^er indue la gente chi andasem tuti a ello. E depoí este parole, si dè un corteize comiao a la gente, persochè no verea che elli l'aspeitasem pu, persochè gi covegniva andar a la cita^[sic] p^er certe bonne cosse chi bessognava^m de far, e coverà qu'elo ge staga bon tempo: “Persò tornaivene a le vestre^[sic] caze, che no voio che voi m'aspeitei pu cocì. E fai so che v'o [dit]o ch'è bom. A vostro ozo lo farej”.* E arecomandàse a elli humermenti, e ch^e elli pregassem Dee p^er ello: “E mi pregherò Dee p^er voi che ve daga gracia de cognose lo veraxe lume, soè Ih^esu Chr^iste e de seguir la soa dotrinna, de la quar e v'o renduo veraxe testimonio. E mi si ve lo mostrai cu^m lo dio, e si lo batezai in lo fiume Jorda^m. E si vi che ge deise* lo Spirito Santo in forma de colunba e si odì cu^m le me orege la vox[e] de Dee chi dise: Questo è lo me Fijo dileto, lo quar in tuto me piaxe; e questo mi o odìo in tuto; p^er che e ve coⁿseio* e coⁿforto che voi andai a lee, e coⁿ tuto lo cor lo seguiai, soè Jesu Chr^iste e la soa dotrinna, e Dee ve ne daga la gracia”. Echa Zoane chi se ne va cu^m li soi disipoli, e la gente se gi zita a li pé e si gi demandam la soa benison; e biao se tegneiva chi gi porea pijá de lo pei de lo gameo che l'ave adosso e tegneivale p^er devocium. E così andando trovà unna naveta e montàge suza, e li soi disipoli passàm lo fiume Jordam, e vansene inver la citae de Ierusale^m.

E messer san Zoane cu^m li soi disipoli si vam a la citai unde era Herodes, e semp^er raxonando cu^m li soi disipoli parole de grande p^erfeciu^m; e dissegi como Herodes mandava p^er ello, che ello voreiva coⁿseio da ello; e li disipuli fem de questo grande festa, e no vossem jntrá in la citai se no ma de note. E Zoane mandà doi de li soi disipoli a um so amigo, a savei se Chr^iste fosse in la citae; e se ello ge fosse, spiase unde ello abergava quella seira e che elli tornasem a ello in cotar logo. E como ello disse, cossì fo faito; ze[m] e trovà^m un'era meser Ih^esu, e tornà[m] a Zoane e dissem che l'era in tar logo. Lantor Zoane preize archu^m de li soi disipoli e andàm unde era Ih^esu; e quando miser^[sic] Ih^esu lo vi, si gi fe graⁿdissima festa e abrazàlo; e Zoane se butà tuto in terra cu^m graⁿde reverencia, e lo Segnó lo levà su de terra, e dagi la paxe, e missemse a seze. E incomensàm a raxoná secretameⁿti, partí da la gente. E Zoane disse como Herodes avea maⁿdao p^er ello. Ih^esu gi disse tuto lo tradimento che elli aveam ordenao inver ello, e ameistràlo tuta note como ello devesse responde e quando ello devesse taxei, [e disse] anchor : “Cotar di te maⁿderà a la prexom”. E Zoane, como Dee vosse,* cu^m tuta benignitaj e mansuetudem e cu^m alegra fasa odiva, p^erzochè s'ap^roximava la soa gloria; e meser Ih^esu Chr^iste digando parole [di grande] coⁿfor[to] Zoane ardea tuto d'amor de ello, e zitasse iⁿ terra e disse: “Meser, tu sai che soma alegresa è in l'annimo me, de far tuta la voluntai de to Paire, como tu comaⁿdi e questo lavor ay faito ti mesmo. Roman unna cossa, la quar e creo che tu sai, che monto averea piaxej de odir e de vei, le batage e le vitorie che tu averai in lo mondo. Anchor te digo, Segnor me, che se fosse a la mea voluⁿtai, e no vorea veir quelo di de la toa morte, e li vituperij e li otragi chi te sera^m faiti. Questi pensameⁿti sum staiti in mi pusor vote, como tu sai p^er la mea fragelitai* ; e cognoso e si sum certo e si coⁿfesso e no e a mi celao, che tu é la veraxe sapientia de Dee, e che lo to Paire t'a daito ogni possansa in cel e in terra; doncha, meser, e te prego, che tu coⁿpissi in [mi] so che mancha, asochè sea coⁿpia e faita pinnamenti la toa voluntai. Anchor te prego che tu vegni a mi a la prexu^m, se tu voo, e speciameⁿti quando e serò preso a la morte, sichè, partiandome de queto^[sic] mondo, e sea tuto pin de ti. Ancora te prego, docissimo meistro me, che la toa Maire e la vega avanti che mora, che tu sai che ela è mea Maire carissima e sover tute le cosse chi sum de sota da ti e l'amo”. E meser Ih^esu Chr^iste respoxe docementi che serea faito “Tuto zo che ti demandi”. E anchor l'ameistrà como devea maⁿdar doi de li soi disipuli, e le parole che eli deveam dí; e quelo che ello dixea e avea dito, gi lo mosterea ihairameⁿti. “E quando torneram a ti, e tu li ameistr[era]i a cor, e daraigi veraxe jntendimento de le parole dite, e speciameⁿti exponni a queli la cotar profecia e la cotar chi parlam de mi, e queste cosse se faram in questi tempi, chi sum veraxe testimonio de mi”. E digan[do] queste cosse e moⁿte atre, el'era presso a iorno. Meser Ih^esu se levà e dà* la soa benison a Zoane [e Zoane] se zità in terra e tenerissimamenti abrazà li pé de Ih^esu. E poa gi disse: “E me te arecomando e tuti li me disipoli”. E Ih^esu responde: “Serà faito so che tu demaⁿdi; va in paxe, fraelo carisimo, e ^combati vigorossamenti, p^ersochè tu serai vituriosso certamenti”. E Zoane inchiⁿnà la testa e disse: “Grande marcè a ti, meser”. E vacene là unde ello avea lasao li soi disipoli; e tornà a elli cu^m graⁿde alegressa, e disse: “E voio andar a lo paraxo de Herodes, avanti che sea cognosuo”. Questo faxea sam Zoane, p^ersochè no se levasse alcun remó p^er la soa vegnua. Anchor che no paresse, che alcuⁿna gente curasem de ello. E p^ersò Herodes no ave alcu^m inpaiho a far so che ello avea pensao. E comaⁿdà Zoane a li soi disipoli che ello tegnesem secreto, e no devessem dí a alcuⁿna p^ersonna che ello fosse in la citai, ni unde ello fosse. E preize doi disipoli, queli chi parea^m meioi, per menarli cu^m seigo, e disse a li atri: “Andai, e de chì a pochi jorni e ve farò a savei unde voi me troverej”. E maⁿdàli in paxe. E ello se ne vem a lo paraxo de Herodes; e stava in un logo dentro, fin che ello vise la famigia de Herodes. E faito un pocho iorno, ello vi della famigia de Herodes, e mandàgi a dí como el'era vegnuo; e la famigia se maraveiava tuta, e chaun lo guardava cu^m reverentia, no sapiando archum marvorej de Herodes. E quando Herodes odì dí che Zoane era vegnuo, e alegrasse monto, e quella soa marvaxe femena asai pu se alegrà, e mandàgi a dir che ello vegnisse suza a ello; e quando Herodes lo vi, ello avea tanto odio in sor^[sic] cor ^contra ello, che ello no se poea forzá a fagi graⁿde honor. Ma pu alcuⁿna cossa gi fe de honor, p^erchè li atri no se acorzesem cossì tosto de la soa mara voluⁿtaj. E, staito un pocho, disse a li soi disipoli chi steisem un pocho de fora da la camera, e anchon* tuta l'atra soa famigia. E romaze san Zoane cu^m Herodes e la soa femena soreti. E Herodes comensà a dí a san Zoane: “Tu n'e'* fortemeⁿti acusao. E si m'è dito, che tu m'ai fortemeⁿti menao p^er bocha, e vituperai in coⁿspeto de lo povo, p^er che noi voiamo savei da ti se l'è la veritai che tu ne lo digi”. E san Zoane respondea alegramenti e cum grandissimo ardí, como quando pricava a lo povo, e disse a Herodes: “P^er che t'è bezogno atri testimonij cha ti? No sai-tu bem ch'e lo dissi a ti messmo, e si te repreixi in la toa fasa? E si te lamenti*, e tu no te é vosuo coreze”. Alora Herodes dice: “Deveiveme vituperá davanti tuto lo povo e lo mondo?” E san Zoane disse: “Si, p^ersochè lo to pecao era pareize a tuto lo povo; e se ti te fossi castigao, mi t'avereiva ayao a croví; e vegando che ti no te voreivi castigar, mi degnamenti t'o abandonao e pareizementi repreizo; p^ersochè sum plubicao* de la parolla de Dee, e si no du^m avei paor de dí la veritai a ogni gente”. Laora Herodes scrolà la testa e disse: “Creime, che de queste parole e te farò pentí”. E san Zoane respoze: “Dee te ne guarde, che tropo averesi grande segnoria” - quaxi a dí - “la morte me poresi bem dar e strazá lo me corpo, ma l'aⁿnima mea, ni la mea voluⁿtaj, no ai-tu segnoria, ni averaj maj”. Herodes irao levàce da seze, e andava intorno, roandose tuto in si mesmo. Alaora quella femena pessima comeⁿsà [a] adue a san Zoane la pu empia vilania chi mai se disse. E vorenté gi averea corso a dosso, e faito cu^m le main e cu^m li denti mar, tanto era l'odio che ella avea ^contra ello. E san Zoane stava como un agnelo mansueto e no gi respondea niente. Herodes aⁿdava p^er la camera e disse a quella: “Romagnite de queste parolle, che noj teremo bem tai moj, che ello se ne pentirà de so che l'a dito”. E alor ihamà alquanti de la soa famigia de chi ello pu se fiava, e si disse: “Piiaj questo homo e li soi disipoli, e menaili inter la camera e guardaili bem, che elli no vaga^m a^otró, p^ersoch^e noi voiamo prende axio de palar^[sic] cu^m ello, p^ersochè avemo a far graindi servixij (e) cu^m ello”. E no mostrava la faza soa turbá, ni gi disse lo so marvorej, ma gi disse che elli no lo deisem a p^ersonna alcuⁿna. Anchor gi dissem che no gi lasasem parlá p^ersonna alcuⁿna, e che elli lo servisem bem. E san Zoane, seando misso in questa comera^[sic] cu^m li soi disipoli, stava tuto jorno ihairo e serem. E li disipoli lo spiavam: “Meser como sta lo faito? Convertirasse Herodes?” E san Zoane respondea: “Staj in oratiu^m e pregai Dee che lo faito vaga bem segoⁿdo la soa voluⁿtaj; e no ve posso aora dí atro”. E li disipoli romaze^m in paxe creàndose che Herodes se ^convertisse, o che quarche cossa bona ne vegnisse. E romassem iⁿ questo e stavam in oraciu^m e in lozo de Dee di e note. Herodes e la soa rea femena ascotà che nove se dixea de san Zoane inter le gente, e como se doleiva^m e che moo tegnessem de andá cercandolo; e quando se trovava cu^m li soi baroj e cu^m la soa gente, demestegamenti demandava: “Che è aora de san Zoane?” E elli respondea^m: “No sai-tu che ello è partio da lo fiume Iordam e descomiaose da la gente, digando che ello no tornera pu iⁿ quelo logo?” Herodes demandava: “Unde se dixe che ello sea?” E queli respondeam: “No par che se sapia”. E quello dixea: “Che dixe la gente? No lo vam eli cercando?” E archu^m respondeam: “Graⁿde mormoraciu^m n'è jter^[sic] la gente”. Chi dixe unna e chi dixe un atra. L'aotro dixea: “I dixem che ello loava tanto somamenti questo chi se ihama Ih^esu de Nazare, si che la geⁿte se sum monto vote a ello, e ancho^r* p^er li miraculi che ello fava e fa”. E l'atro dixea: “Ello ne dixea tanto de questo Ih^esu, che ello n'era tegnuo a sospeto da p^ersonne bem savie de la leze”. E Herodes dava orege a queste parole e demaⁿdava secretameⁿti per poilo bem abominar e p^er poei avej scuza in lo ^conspecto de li savij, se bezognase. E stagando cossì alquanti iorni, la overa de san Zoane se croviva pu l'un di cha l'atro, como Dee vorea. Alaora Herodes prendea pu segnoria coⁿtra ello; e la fama de Chr^iste crescea grandementi. E la gente abundava^m tuta a quelo Chr^iste p^er li miraculi grandissimi che ello faxea. Si che parea che la gente no curasem pu de san Zoane. Cumseiasse Herodes cu^m questa soa misera femena, digando: “Che faremo noj de questo san Zoane?” Ella vorea che Herodes lo feise morí subitamenti, e laora Herodes disse a questa: “Or vei-tu, dona mea, a noi coⁿvem far questa cossa saviamenti, p^ersochè se dixe che questo Zoane era tuto una cossa cu^m Ih^esu de Nazaret, e questo Ih^esu è faito si grande in lo povo che, se se levasse remor adoss[o], e ne* poreimo esser desfaiti; sichè pigemo aora questo coⁿseio de metelo im prexu^m, e no seremo biasmaj, e diremo che noj l'avemo faito p^er amor de iustixia e p^er defensium de la leze; e anchum diremo che noi l'amo tegnuo e axaminao e che ello mesmo n'a dito certi eroj li quaj sum coⁿtra la leze. E se noj veiremo che la gente no se ne dagam breiga, faremoro^[sic] morí quando ne piaxerà”. Alaora maⁿdà p^er san Zoane e celameⁿti l'axamiⁿnàm de le cosse che ello avea dito de Chr^iste. E san Zoane gi disse pu e meio che ello feisse maj. Herodes fu moⁿto alegro, e ihamà la famigia e si gi disse: “Piiay questo homo e li soi disipori e metiri^[sic] in prexu^m, p^ersochè ell(a)'a dito cosse coⁿtra la leze de Dee, e voiamo che ello sea examinao da li mao de la leze. E poa faram so che a lor parà. Alaor san Zoane se revoze e si lo pregà humermenti che li soi disipoli no fossem mixi im prexum, p^ersochè elli no g'aveam corpa. E Herodes stete coⁿtento. E laora fo preizo lo grande partriarcha in la zexia de Dee, principo Zoane Batesto, e mixo in prexu^m cu^m li atri poveri virmenti, e andando cu^m ello li soj disipoli doloroxi pianzando, p^ersochè no aspeitavam questa fim de la soa vegnua, avaⁿti aspeitavam graⁿde vitoria e honor de Dee; e cossì serea staito, se quelo se fosse coⁿvertio, como elli se creivam; e vorea^m intrá coⁿ ello in prexu^m. E zitànsegi a li pé digando: “Doce paire, fane questa gracia che noj vegnamo cu^mteigo in prexom, p^ersochè noj no se vogemo maj partí da ti, e si voiamo vive e morí cu^mteigo; e laor ne parà esser alegri e biaj se tu ne faraj questa gracia”. E faxeam si dolorozo lamento che tuti quelli chi era^m lì pianzeam cu^m elli. Anchor se doream, p^ersochè questa cossa gi parea mar faita. Alao' san Zoane levà li soi disipoli e comeⁿsà a dí: “Fraeli me, no pianzi, che questa è la mea vitoria. Questa serà la mea maor corona, e l'è vegnuo lo tempo che cossì se guagna e guagnerà lo reame de lo cel. E como e v'o dito, noi ge semo presso. Andai a li atri nostri fraj, e coⁿfortaili e digi che elli vegna^m alchuⁿne vote a mi, e staj quati, e no andaj digando e no fai remó inter la gente, p^ersochè Dee vor che cossì sea. E no voiaj inpaihá lo me graⁿde bem”. E dagi la paxe. Alaoro^[sic] l'oficiario lo mixe dentro da la prexom e serrà la porta fortissimamenti. E comaⁿdà a le guardie chi lo guardassem bem. E quaⁿdo li disipoli vim che lo so meistro era in prexoⁿ e seraj le porte, fem lo pu dolorozo pianto che se poisse dí. E caum pense se elli aveam caxom de far questo. E quaⁿdo fon stajti um pocho, partissem pianzando e doloroxi cu^m le teste chinaj in terra, e paream forte smarij, e zem a cerchá li atri disipoli, e trovaⁿdoli gi disse questa dolorosa novella. E odando questi che lo so meistro era in prexom, no se porea dí li lor doloroxi pianti e lamenti che elli faxeam; eli era^m in cassa de alcu^m de ló e ferivaⁿse su^m lo peto e dixeam: “Aime, che lo vorem ocí; tuta vota semo stati cum questa paor, poachè ello comenzà a princhá^[sic] contra questo!” E stagando in questo dolor, comensàm a demandar a questi, e questi dissem tute le cosse chi eram staite fim a l'intrá de la prexoⁿ, e le parole che san Zoane gi mandava digando. Anchor comandava che elli no feisse[m] remó, e che no inpaihassem la soa sarvaciu^m. Alor questi comensàm mao pianti che se poesse contar. E stetem cossì grande parte de lo di; e poa se levà alcu^m de elli e dissem (da far cossì parte de lo di, e poa se levà alcu^m de elli e dissem): “Elo no è da far cossì, avanti andemo a ello e portemoge da maⁿiar e sapiemo da ello, se ello vo alcunna cossa. E vaⁿssene doi de elli e doi de quelli chi l'aveam aconpagnao avanti, e preize^m de lo pam e de l'aegua, e portaⁿne a la prexom; e demandam lo so m^eistro a lo guardiam; e felo vegní alo portelo, unde se parla a li prexoné; e san Zoane se era miso in un de li lay de la prexu^m in oraciu^m e no se n'era levao dapoa che ello g'era intrao in la prexoⁿ, e no se aregordava che devesse maniá ni beive, e vegne a elli a lo portelo [con un volto sereno e chiaro pieno di tutta letizia. E quando costoro lo vidono venire allo sportello] e no lo poem tochar ni abrasá como soleam, pensemo quaⁿto dolor e amaritude^m ave^m a lo cor. E san Zoane cu^m visso alegro li receive, cu^m visso alegro e tuta alegressa, e comensà a digi: “Fraeli me, no ve curaj de questa vita caducha, ni de le mutacioni^[sic] de lo mondo, ni de queli chi pom ocí lo corpo, che l'annima no ponn-eli tocar; ma lo regname de lo cel è da precazá e la soa iustixia, e p^er questo moo verà gloria in la vostra morte. E abiaj in vostra memoria li antigi pairi chi sum morti p^er la iustixia. E quelle morte sum staite vitoriose, e cossì fo semp^re e cossì serà. E p^ersò, fiioi me, no ve turbai de so che Dee vo, e lasai fá, che ogni cossa verà in bem a li boni^[sic]; pricaj* doncha lo regname de lo cel e cu^m ogni puritaj e no ve ne cesaj*. E vegní a mi speso; che se Dee vorà, queste guardie de la p^rexon ve sera^m corteixi. Ma no vegní tropo inseme, che forsa no serea lo meio”. E cossì ordena[va] la lor vita e li moj che elli deveam tenej in ogni cossa. Alaora preize(m) de lo pam e de l'aegua zo che ello vosse, e staiti che fom unna pessa, si ne li remandà in paxe. E cossì san Zoane, stagando in la prexu^m, stava lo di e(l)la note in oracium, e alcuⁿna vota pricava alle guardie e a tuti li poveri chi eram in prexum, e le guardie monte se deletavam de odilo, e moⁿto eram benivoli a li soi disipoli e a chi gi vorea parlar. A Herodes manchava ogni di la paora, odando che se dixea ch^e san Zoane era in prexo^m, e lo povo non se ne movea p^er so, ni no parea che ne fosse remó. Bem creo che li soi baroin* alcuⁿna vota ne lo repreⁿdesem certamenti* digando: “Ch'è questo che tu faj de cossì grande servo de Dee? Guarda che bem te ne vegna, p^ersochè Dee a usao cu^m li nostri antigi de far moⁿte vendete de queste cosse”. E bem ge ne tocavam, ma tanto era vensuo da questa sua mi[se]ra femena, che ello no poiva contra lo so piaxej, e p^ersò se scuzava a questi chi lo reprendeam cu^m boxie che elli aveam pensao, ello e quella, e p^er questo moo se ne pasavam. E san Zoane, stagando in prexo^m e pensando che s'aproximava lo tempo de la soa morte, dexirava cu^m tuto lo cor de vei* li soi desipoli, e la dotriⁿna de Chr^iste moⁿto spesso gi lo dixea. Odando che Chr^iste era in le parte de Galilea, no moⁿto lonzi de unde era Zoane, preize doj de li soj disipoli e si gi disse: “Andaj a Chr^iste, e demaⁿdailo da mea parte se ell'è quello chi dè vegní o ne domo* aspeitá un atro”. E si gi disse: “Guardai bem a le parole soe e teneile bem a mente, persoch'el'è homo de veritaj, e so che ello dixe no po falí; e questo fe sam Zoane cu^m sapua de tuti li soi disipoli chi atendeu^m* a ello. E pensà sam Zoane de maⁿdar li pu savij e pu discreti e quelli chi fassem* pu cretui e meioj inter elli. E pensàse Zoane, che quando questi s’acostasem a Chr^iste, e odiram e veiraⁿlo parlá: “E so bem che de ello insirà si graⁿde vertue d’amó chi tirerà a ello tuto lo cor de l’omo, e speciamenti de queli chi ge vam davanti, p^er savei e cognose la veritaj e no p^er tentar, ni p^er alcu^m mar*; e poa tuti [questi altri crederanno e daranno fede a costoro]. Questi doj disipoli zem a Chr^iste cu^m grande reverentia, e se inzenoiao* a li soi pé e dissem la soa ambaxá; e Ih^esu li levà su e miseli inter li soi disipoli e poa gi disse: “Aspeitaime e mi ve responderò”. E davanti a meser Ih^esu si era la gente grande e erage infermi quaxi de tute mainere de infirmitae; e Ih^esu comensà a sanar li infermi, e li orbi inlumina[va] e li demonij descazava e ogni infirmitaj sanava, como se dixe in lo santo evaⁿgelio. Questi disipoli stavam cossì maraveiaj vegando tanti miracoli fá, e cossì subitameⁿti faiti a lo comandameⁿto de la soa parola. E vegando l’amor e la devocion de la gente grandissima chi lì era, e vegando ancora l’alegressa de quelli chi eram sanaj, e le gracie che elli rendeam a meser Ih^esu Chr^iste, anchora li parenti, si che monte lagreme se ge zitavam p^er grande devocium. E faito questo, meser Ih^esu ihamà li disipoli de san Zoane e disse: “Andai e dí a Zoane so che voj avej visto e odío”. E comensà a conitar li miraculi chi eram faiti. E a la fim disse: “Biaj quelli chi no seram scandalizai in mi”. [E] questi cu^m grandissimo frevó de amor et cum grande reverencia, pu cha avanti cha quando ge vegnem, (e poa) se inzenoiàm a li pé de Ih^esu e demandàngi la soa benison. E no fom presumtuoxi de demandálo de atra reposta, bem che la reposta no gi paresse a lor segondo l’ambaxá che elli aveum^[sic] portao. E tornàm a san Zoane e vegnivam tuti pim de devocium e de amor, e raxonando inseme de li ati de Chr^iste e de le parole soe. E chosì vorea Zoane. E quaⁿdo zonsem a san Zoane, incontenente cognoscè che elli eram consolai. E insoma dissem: “Ello no è p^ersonna chi poese crei so che noi avemo visto cum li ogi [e] odío cu^m le orege”. E reizem tuta l’ambaxá a san Zoane, apoito^[sic] como meser Ih^esu l’avea dita. E poa dissem tute le cosse che elli aveam odie e viste. Alaora san Zoane fe la grande alegressa. E comensà a parlá cu^m li soi disipoli e disse: “Fijoi mej, voi ve poressi maraveiá che par che Ih^esu no responda segoⁿdo la nostra ambaxá. E mi voio dí como ello responde bem, conprendando le soe parole cu^m le profecie chi som dite de ello*, e cerchaj la profecia che disse de ello Isaya profeta, chi dixe manifestamenti: Quando verà quello che noj aspeitemo, chi ne dè far sarvi, li cegi veirà[m] lume e li sordi odiram; e tute quelle cosse, e atra^[sic] che voi avej viste cum li vostri ogi e che ello ve disse cu^m la soa lengua”. E disse san Zoane a li soi disipoli: “Adume lo libero de la profecia, e troveremo quella profecia”. E ihairamenti inteizem ogni cossa, e romazem monto coⁿtenti questi beneiti disipoli. E cossì gi vegne exponaⁿdo tute le profecie, e mostrando chi eram staite dite de Ih^esu como elle eram coⁿpie fim a lo tempo. E anchor disse: “Ell'è da cree ch'è vegnuo lo Fijor de Dee p^er compir so che è (e so che) staito dito de ello da li santi profeta. E persò, fijor me, cossì ve digo, che tuto lo contentamento e l'alegresa che voi me posai dá in questa vita, si è che voj creai a ello e segurai* la soa dotrinna; e se questo e no visse de voj, e no serea mai contento de li faiti vostri. Avanti me parea avej p^erdua tuta la faiga ch^e o durao p^er voj; e cossì ser[e]a segondo la veritaj. E odisti voj la parola che ello disse da parte: Biao chi no serà scandalizao in mi? Doncha bem se segue: miseria viverà in questa moⁿdo* e in l'atra chi serà scandalizao in ello”. Questi, odando queste parole, zitànse tuti in terra cu^m pianti, e dissem: “Paire, tu sai che maj no se partimo da la toa dotriⁿna, e cossì semo coⁿtenti de seguj bem in tuto quello chi (na) n'ameistreraj, e de questo no dubitá”. E san Zoane fo alegro e disse: “Andaj in paxe, fijoj me, e raxonaj a li vostri fraeli, sichè, avanti che mora, che ve vega tuti bem dispoxi a quello bem che Dee v'a apareiao”. E cossì torna[va]m a caza e raxonavam tuti inseme de queste cosse, e tuto di odivam cosse nove de meser Ih^esu Chr^iste, sichè l'annimo lor se disponea a seguir mes^er Ih^esu Chr^iste, e speciamenti depoí la morte de sam Zoane, la quar gi parea che devesse esse tosto, p^er le parole che odivam da ello. E sam Zoane orava e pregava Dee coⁿtinuamenti p^er elli, chi li devese coⁿfermá a seguj lo so Fijo beneito, Ih^esu Chr^iste e la soa dotriⁿna. E li disipoli tornàm a san Zoane, tuti coⁿfortaj e fortificaj, e dissem a san Zoane como elli eram deliberaj de far tuto quello che ello gi avea dito, soè de seguí in tuto la dotrina de Chr^iste. “Ma noj te preghemo, docissimo paire, so che tu ne lasi vegnir a ti demente che tu é vivo, [che noi sappiamo] bem che la toa dotrinna no è divisa da la soa, ma è tuta unna, e cossì creamo; e anchor ne mostrerai de li soi faiti, poachè el'è quelo chi ne dè far salvi, e si coⁿvem che ti ne faci ihairamenti intende queste veritaj”. E san Zoane tuto alegro gi responze^[sic]: “Fijoj me, aora m'avej tuto confortao lo sor Dee ve dava* fortesa in ogni bem”. E laora comensà a mostrá e a dir pu coⁿpiamenti de li faiti de Chr^iste, che maj avesse dito, persochè ello li veiva apareiaj e dispoxi a receive queste parole. Passao un pocho de tempo, che s'aproximava la morte de san Zoana^[sic], ello studiava de mete li soi disipoli in bonna sodeza. E pensome che meser Ih^esu Chr^iste, seando spesa vota in le parte de Galilea, che ello andase puzoj vote a la prexon descognosuamenti a parlá cu^m Zoane; parme grande cossa che si grande so amigo, lo quar era stao maⁿdao da Dee p^er andar davanti a lo Fijo de Dee, che elli no avessem pu demestegessa inseme cha como se coiⁿta in la sanita scritura; si che deleta de pensar [ch]e, como ge era tanto amor inter elli doj, cossì ge fosse la coⁿversacium quando era tempo e logo covegneive. E grande maraveia me dago, como Zoane poiva star tanto che ello no fosse di e note cu^m ello; e si è da pensar che la divina bontae avea despensao soma virtue de farlo stá in tuto bem coⁿtento a la voluntaj de Dee, e far quello p^er che el'era mandao. Or penso che meser Ih^esu Chr^iste vegnise a ello la derera vota, seando Zoane presso a la morte, e che elli avessem inseme monte belle raxoin de zo che besognava.* E si creo che san Zoane, raxonando cu^m meser Ih^esu de la soa morte, gi diesse: "Meser Ih^esu, quando l'annima mea descenderà a lo linbo, unde sum li santi pairj, p^er la toa bontaj vo-tu che gi diga so che o visto de ti e che tu m'aj dito, o voj che lo tegna celao?" E meser Ih^esu responde: "Zoane, e voio che tu dighi a li santi pairi, amixi me, chi sum in lo limbo, che quello Dee, chi v'a creaj e chi ve fe, è vegnuo in lo mondo, e si è devegnuo nostro fraelo de tuti. E si s'è vestio de carne humanna p^er pagar tuto lo debito che comisse lo prumé parente e p^er avrí le porte de lo regno de lo cel. E diraj a meser Adam, che cara me costa e costerà la soa desobedienza, e di a madona Eva, che la docissima Maire leverà via la soa vergogna e renderà honor e segurtaj è de* tute le femene chi sum deseixi^[sic] da ella. E di a Soche, fijo de Adam, che lo legno che ello adusse de pareizo farà tosto fruto de vita, e sa* comensa de fiorí; e sum quello legno se meurerà lo fruto, lo quar serà poa da rende vita a chi lo mangerà. Lo fijor* si era le parole soe, de la soa dotrinna, le quaj [s]eram fioj, chi staram jn eterno; lo fruto si è li miraculi grandissimi e anchu^m lo saná de li infermi e le annime. Ma questi fruti vegnem a p^erfecium e in bonna maresa* sum lo legno da la croxe. E diraj [a] Adam* che li atenderò so che e o promisso, de multiplicar la soa semensa. E dirai a David rej, che lo Fijor de Dee è ihamao so fijo e si [è] nao donna* vergem de lo so parentao". E cossì disse de caum de li santi pairi, patriarche e profete. E mandàgi alcuⁿne atre ambaxaj p^er confortáli. E disse anchor: "Gi dirai de lo me avegnimeto^[sic], e como tu me cognosesti quando tu eri in lo ventre de toa maire; p^ersochè o g'è de queli chi am profetizao de ti, e si te cognoseran bem, digandogi ti lo moo da la toa vita. E questa sea anchor a elli testimonio de ti*, persochè elli san bem che tu deveraj andá avanti a mi e apareiar la mea via. E digi so che è de ti e de mi fim a questa hora. E anchora questo che e te o raxonao. E ch'e farò lo coⁿpimento de so che bezogna. E si odi cotar profeta chi disse che vegne li magi da oriente a la guia (dia) de una stella, como era profetizao; e de che cotar profeta profetizà che la Vergem apartuirà in Belem, terra de Iuda, como dixe la profecia.* E cossì singularmenti disse de tuti li atri, chi avea^m dito alcuⁿna cossa. E tu seraj testimoⁿnio de la mea veritaj; e queste parole diraj secretameⁿti, che li demoⁿnij no te possam intende, p^ersochè no voio che elli sapiam anchor la veritaj de mi”. Lo beneito san Zoane disse: “Vo-tu che diga quaⁿdo serà la toa morte, e como tu descenderaj a elli incontenente depoj la toa morte?” E meser Ih^esu disse: “Si, azochè elli abiam maor l'alegressa, ma dilo secretamenti”. E cossì stem inseme tuto di e forsa tuta note, p^ersochè no se deveam pu veir cu^m li ogi corporaj. E forsa che Ih^esu gi promisse de maⁿdági soa Maire secretamenti; se ella ge ze, bem ave Zoane alegressa a coⁿpimeⁿto. E meser Ih^esu se partì da ello dagando a Zoane la benison e la paxe. E san Zoane reverentementi la receivè. E zitasse in terra e regraciàlo in tuto de ogni cossa; anchor si gi arecomaⁿdà li soj disipoli. E Ih^esu li receivè volenté. E poa se ne va Ih^esu, e Zoane roman cum li soi moj usaj.

Aprosimandose lo tempo de la festa de questo pessimo Herodes, che ogni homo* faxea grande festa lo di che ello nascè, ello se coⁿseià cu^m quella soa pessima femena, e raxonando de far questa soa grande festa, penso che quella soa pessima femena disse: “A mi no par maj avej festa ni pasqua fim a tanto che no faci morí questo Zoane de Zacharia, che tutavia stago in paor che p^er quarche moo ello no scanpe da le nostre mani^[sic] e no se ne vaga via; e se questo fosse, e no serea maj alegra”. Herodes gi respoze docementi e disse: “Guarda zo che tu digi; che caxum troveremo noi de far morí questo ho^m?^[sic] E te digo che pur in coⁿspectu de li nostri baroin e de la bonna gente me serea reputao motaj* e grande cativetaj che feisse morí questo homo sensa atra caxu^m”. E quella respoze: “La caxu^m trover-e* bem, se tu la voraj far, si che ti seraj scuzao; ma a mi par che tu me vogi semp^er tegnej cu^m questa aflicium de tegnej questa vita”*. E comeⁿsà a pianze, si che Herodes como homo venzuo da l'amor de questa, disse: “Or trova la caxum, e serà faito so che ti voraj”. E lantor Herodes ateize a far e apareiar la soa festa. E questa rea femena se coⁿseià cu^m lo demonnio chi era cu^m ella, e cum monti atri, e ave trovao lo moo cu^m lor inseme de far taiá la testa a san Zoane Batesto, si chomo se coninta in l'avaⁿgelio. E incontenente ihamà la fijora, chi era grandeta e belissima e monto acostumá e era monto presta e dexeive a far so che ella vorea, si che grande festa e solaso se ne faxea in tuta la corte de lo rej, soè tuti li baroni e tuta la gente chi usavam in la corte, e si se deletava^m moⁿto de veir li soj soraci ch^e ella faxea. E questa rea femena ameistrà la fijora de puzoi iorni avanti, de balar e de cantar e de li atri solacij pu belli e pu novi che ella feise maj, e li demoⁿnij era^m bem cu^m ella a insegnargi cosse nove e deleteive p^ersochè l'era la lor festa; si che Herodes s'alegrava moⁿto de queste cosse. E dixea: “Cossì faraj lo di de la festa?” E ella respoⁿdea: “Cossì farò-e, e anchum meio”. E quela soa pessima femena disse a Herodes secretamenti: “Ve-te che e o pensao che lo di de la festa, quando tu seraj a disná cu^m tuti li toj principi e baronj de lo reame, (coⁿ) questa fantinna verà davanti da voj, e farà questi soi zoghi e soraci, e piaxera^m a tuta la gente, e speciameⁿti quando veiram che piaxa a ti, si lo diraj manifestamenti, si che t'oda tuta la gente, che cauⁿna gracia che ella [vor], te la demaⁿde, e tu gi la faraj. E mi l'ameistrerò che ella demande la testa de Zoane Batesto, e tu te ne mostreraj dolento, tanto como tu poraj; ma fa che l'overa vegna faita”. Questo respoze e disse: “Cossì sea faito, e ameistrala bem, che ella staga bem ferma. E s'e me mostrase turbao e irao, che ella no se ne temesse”. E ella disse: “Bem serà faito”. E incontenente comensà-la [a] amaistrà la soa fantinna, como ella steise pu ferma e soda e no temesse, bem che Herodes se mostrase irao; e cossì l'ameistrava ogni di de ogni cossa. E in questo mezo la festa è apareiá, e como devesse esse deman lo di de la festa grande. E Zoane mandà p^er tuti li soj disipoli, e cu^m graⁿde alegressa seam* cu^m ello, p^er ameistrali de ogni cossa de p^erfecium in bem. Dixe san Zoane che ello dè morí tosto, ma no dixe quando, ni como. Confortali e ameistrali che elli stagam contenti a la voluntaj de Dee. E questi cu^m grande dolor ascotavam queste parole. Ma pu se restrenzeam a la voluntaj de Dee, che tanto ne sum semp^er ameistraj. E quaⁿdo elli se vegnem a partir, san Zoane gi disse: “Vei-ve, fijor me, deman no tornerej cozì fim a l'ora de vespro, p^ersochè tropo ge serà grande remó e moⁿto gente. E staj voj e mi in oracium, p^ersochè, seando meser Domeneⁿdee ofeizo da moⁿte gente in questa festa, a lo men da noj sea loao e regraciao, in quelo tempo, de li beneficij che ell'a faito a lo moⁿdo e fa tuto iorno”. Questi se tennen contenti, e vaⁿsene a star in oracium. E san Zoane se misse a star in oracium tuta la note e tuto lo di, fin a quella hora che vegne l'oficiario a taiagi la testa.

Sendo apareiao la matim lo disná grandissimo e missa tuta la gente a tora, lantor s'aproximà questa misera fantinna in la corte de lo rej, unde era le tore de l'um lao e da l'atro. E misese in mezo de tuti, davanti lo rej. E comensà a far questi zogi, e li pu belli e li pu novi chi maj se vissem; e li demonnjj eram tuta fia cu^m ella, chi l'ameistrava^m e anchor l'abellivam, cu^m deleto e piaxej de quelli chi veivam. Questi maniavam; e quaⁿdo^[sic] pu maⁿiavam, pu se alegravam. E tuti criavam a lo rej, e dixeam: “Questa è la pu bella cossa de questa fantinna, e la pu nova chi se visse maj”. E l'atro dixea e respondea a Herodes: “Meser, chi se troverà a lo moⁿdo, chi sea [degno] de cossì grande ioya como questa fantinna? Ve-ve che no ge mancha niente iⁿ lo parlá e in overar; so che ella vo, [sa] far e dir; de la soa personna è cossì faita como la vej”. quelle parole piaxem monto a lo rey. E quando questa ave faito unna peza, si se fermà davanti a lo rey e disse baoderamenti: “E me sum tanto afaigá a far honor de la toa festa; che me darai-tu?” E li baroni e la gente chi avea^m za preso maⁿiao, tuti dem orege e ascotavam so che ella dixea e como lo rey gi respondea; e lo rey a grande voxe gi respoze: “Demaⁿda zo che ti voy; e mi si te zuro e si te prometo, che se ti demandasi mezo lo me reame, si l'averaj; e questo digo in testimonio de tuti questi chi sum cozì”. E(l)la fantinna se ne andà a la maire e disege queste parole, como lo rej gi avea promiso, e la maire gi disse: “Va fiiora mea, e demanda che te sea aduta in tora la testa de san Zoane Batesto; e se lo rey se corosa contra ti, e te voresse cazar via, e ti sta ferma e constante e di che ti vo pu che te daga la promissa; e se ello te menazase, e tu fa vista de pianze fortementi, e sta ferma e no te penti, e di pu che ti voy so che ello t'a promisso”. E la fantinna tornà a lo convivio e disse e crià: “Voy avey ben inteizo e odío so che meser a dito, che demande so che voia, e àme promisso e zurao de darme so che e dirò”. Tuti comensàm a criá e a dí: “Così sea faito”. E lantor disse: “E voio che tu me dagi la testa de Zoane Batesto, e vegna aora cocì sum la tora davanti a ti”. Lo rey se mostrà si fortissimamenti turbao, che no se poeiva dir pu, digando: “Mareita fijora, e no me crea che tu me demandasi jn carne ni jn sangue*; ma me creti che ti voressi oro o ariento o pree preciosse o ornamento de varsua, e de questo era monto coⁿtento de dartele”. E quella pu afermava e dixea: “Tu me inprometesti e zurasti so che e vorea, e mi voio questo”. E lo rey la comensà a menasá e a cazála via. E quela comensà a pianze e a reihamarse a queli chi maniavam. E la gente chi eram li, incoⁿtenente cognosèm che questa cossa era faita aposta, e che vegniva da la maire. E voiando la gente coⁿpiaxei, p^ersochè de la cossa poco se curava, bem che laor paresse soza cossa e vilanna, incoⁿmensàm a criá a lo rey che fosse faita la promissa, e dissem che gi piaxesse de no turbá la festa. Alaora lo rey, mostrandose monto tristo e turbao, comandà a lo senescarcho che ello andasse a la prexon e feisse taiar la testa a san Zoane Batesto e cha ello l'aduese lì. Laora l'oficiario andà a la prexon e mennà cum seigo un vilissimo ragazo cum una spá monto taiente. E fo a la prexon e demandà Zoane, e pianzando disse: “Servo de Dee, p^erdonname che cossì iniusta cossa me coⁿvem far, e prega Dee per mi, che questo fac-e monto mar vorenté”. E san Zoane se inzenoià cum visso alegrissimo e disse: “Fraelo me, e prego Dee chi te p^erdonne. E mi te p^erdonno quanto e posso, e si ne pregherò Dee. E persò fa seguramenti so che t'è staito comaⁿdao”. E desteize la testa quelo agnelo mansueto, e fegi taiá la testa. Alora li prexoné e le guardie comensàm a piaⁿze e a marixí la maire e la figia, persochè za aveam odío como quela avea za demandao la testa de questo scoⁿ * Zoane. E l'oficiario preize la testa, cossì sangonenta, e la portà davanti la fantinna. E quando questi chi maniavam vim questa cossa, fum tuti maraveiaj e cunturbaj, persochè gi parse unna cossa oriber a vej, si che fo guasta la festa. E a lo di de anchor^[sic] monte feste e alegrece moⁿdanne torna^m a grande tristece. Lo rey fe dá la testa in man a la fantinna, e disse cum grande voxe: “Piia, che mar te ne possa piiá e mar incontrá, e seguramenti de questo te pagerò e bem. E se no fosse p^er honor de la festa, e te averea bem pagao como se coⁿvegniva”. E pu lo so cor dentro martelava e tremava de paora, sich^e ello no ave in dom questa festa*. Portà questa pessima fija la testa a la pessima maire. E quando ela vi la testa de san Zoane, se alegrà senza mezura, e preizela in mam e dixea: “Aora no parli tu e no prichi pu coⁿtra lo rej de mi? Dime che te n'è intervegnuo de la toa audacia?” E digando queste parole, la testa ge bufà un arein in lo visso che ella incoⁿtenente cheite morta. E(s)se cossì fo, fo bem raxum. Or pianze la soa fijora chi tanto avea cantao. Lo remó se levà grande, e la festa se deffè* tuta. E incoⁿtenente mandàm p^er tuti li megi, p^er savei se ella fosse morta; pensemo* che gi sihatàse lo cor de lo corpo p^er la sop^eriha e grande alegresa, che ella ave quando a vi quella testa; pensome che de le guardie de la prexon mandassem p^er li discipoli de san Zoane. E vegnem li disipoli soi e trovàm questo corpo santissimo cossì sensa testa. E lo dolor e lo lamento grandissimo ch^e elli faxeam, e no lo voio scrive, ma chi leze si lo pense.

Or echa che li disipoli ne portam lo corpo in um manteluzo, che ello s'avea* levao da dosso, quello santissimo corpo cossì mosao semsa la testa, tuto sangonento, tanto ch^e ello stisava tuto sangue fim in terra. E li disipoli andavam pianzando, cu^m la testa china in terra, e monto doloroxi. La gente, chi odivam questi pianti, faxeivanse avanti p^er vej questi desipoli, e monti ne cognoseam Zoane, vegando li pej de lo gameo, de che el'era vestio. E comenzà a esser grande garbugio in tuta la terra. E marexivam Herodes e tuta la soa caza. Li disipoli lo portavam a caza de alcu^m de ló, unde elli se reduxeam. E mandà^m per la terra p^er de li atri amixi che elli aveam. E zointi questi amixi, faxeam grandissimi pianti cu^m elli inseme; pensome che elli deliberasem de no soterálo tan fim e fim a tanto che se savesse se se poiva avei la testa. Stavam li disipoli intorno lo corpo, batandose le manj^[sic] e lo vizo, e parea che se voresem amazarse. Criavam digando: “Che altissimo corpo, avanti sànito cha nasuo e da l'angero annuncio e maraveiossam^enti viscuo sover tuti li atri chi maj fom a lo mondo! E sangue santissimo, che è faito de ti, in la prexon e in la via? O p^recioso sangue, fim da la prexom p^er le piace é spànito stizando! E de quella testa santissima, unde è-lla? O che grandissimo bandezamento ne* cognosuo: fo portá quella beneita testa davanti quelle tore, lo di de la festa! Che mareiti seam li balli e li canti faiti per mal e per vani soraci de lo mondo! E como viveremo noj semsa ti, doce meistro e doce paire? Perchè no voresti-tu che noi fossemo cu^mteigo quando tu moristi? E avesti taiá la testa asochè lo nostro cor fosse sihatao de dolor e de tristesa e fossemo cheiti morti apè de ti. E como sereamo noj biay, se noy fossemo soteraj a lao e intorno de ti! Unde è la testa de lo grande patriarcha, fijor de lo somo pontificho santo Zacharia? Unde è la lengua chi semp^er anuⁿciava lo regno de lo cel e si loava e benixiva Dee e ameistrava la gente de soma dotrinna? Quar pecaor serà si ardio de guardála, questa beneita testa, se no la guarda cu^m pentimento de le soe pecae?” A queste parole vegne alcum moⁿdanj e dissem: “Ascota un pocho, e dissem secretamenti, che quela rea femena, abiando in man quella testa santissima e fazandosene beffe, cheite morta, ma no se sa anchor p^er fermo. Ma questo se vi bem, che la corte è tuta aquatá e desbaratá. E li messi* sum andaiti tuti a lo paraxo”. E lantora tuta la gente pregàn Dee che ne feisse vendeta de cossì grande iniustixia como Herodes avea faita. E ordenàm inseme questi disipoli, che alquanti bom homi, chi no paresem disipoli de san Zoane, reisem* a la corte de Herode e savessem se p^er alchum moo elli poessem parlá a archum officiario, lo quar fosse tegnuo meior, e savej se se poesse tornar la testa de san Zoane. E cossì fo ordenao. E zem li disipoli e monti atri homi devoti a parlá de questo faito, e romaze cu^m lo corpo certe atre personne, e donne sante. Tuti pianzeiva^m cum grande dolor questo santo corpo cossì mosao. E la gente de veir taⁿta iniustixia comissa in quello di e da quello mar segnor che elli teneam, e ^aveam paor che tuta la provincia no abissasse per si grande pecao comisso. Tornàm quelli chi eram andaiti per savej se se poesse avej la testa, e dissem cossì: “Noi no possamo savej niente, persochè la gente è tuta inpaihá e lo rej è monto contristao, e no ge moo de poei savej niente”. E li disipoli renovàm lo dolor e tegnem lo corpo fim a l'atro iorno, e pu se fosse bessogno. E tornàm anchora questi boni* homi a paraxo, e trovàm pu semeieive cosse e parlà^m cum alcum amigo dentro, e disse de questa testa, e fogi respozo: “Andai via e no dí pu de questa cossa, che tropo ge aora che far”. E certo era covegneive cossa, che unde era stao comisso tanta iniquitaj, fosse in grande tristesa e tribulacium in soa vita. E cossì fo. Tornàm questi e dissem a li atri: “Sapiaj che no è remedi de poi trová questa testa a questi tempi”. E dissem inter eli: “El'è bom sepelí questo corpo honoreivementi como se convem; e poa, se noj poremo avej la testa, si la meteremo cu^m questo beneito corpo”. E fem far la sepotura. E poa porta^m questo veneraber corpo a lo sepolcro e misengelo dentro; e avanti che lo sepolcro se serasse, li disipoli soi pianzeam dolorossamenti sover questo corpo veneraber, e dixeam levaⁿdo li ogi a Dee: “O Paire celestiá, unde è la testa de lo to servo? Unde è-la alogà, chi semp^er anunciava li toj loxi e semp^er guardava in cel cum li soj ogi? Como ay-tu soferto, oniposente Creator, che la maricia abia tanta segnoria? Vo-tu che noj soteremo questo così mezao, senza testa? Unde è quella testa veneraber? Or soferaj-tu che la butem via e che ella sea deita a maniar a li cani^[sic] a le bestie? Pregemote, Paire celestiá, che tu ne dagi gracia de averla”. E eram si grandi li pianti che faxeam li disipoli e le atre p^ersonne devote, che parea che se voressem desperá [...] *

E cossì fo sepelio lo corpo glorioso de san Zoane Batesto. E caum tornà a cassa soa cum grandi pianti e lameⁿti. Pensome che la soa testa fosse zitá in alcum logo de la caza, p^ersochè elo g'era tropo che fá. Creo che alcu^m homo de la famigia l'alogasse quella testa beneita, [e involsela in qualche panno e segretamente la sotterrò nel palagio medesimo.] *

[...] o de li soj disipoli chi l'amavam semegeivementi* e chi desirava^m cu^m tuto lo lor cor che ello fesse* honorao e che fosse cognosuo la soa bontaj; dixeam in la gente sover ello so che elli poea^m dir, e anchu^m redixeam so che ello avea dito de meser Ih^esu, p^ersochè meser Ih^esu era reputao inter la gente [grande profeta, e sapevano bene com'egli aveva detto di S. Giovanni che egli era] proph^eta e pu cha profeta, e como ello era l'angero de lo quar era scrito che ello manderea avanti a ello [a] apareiá la soa via; e tutte queste cosse, e ogni atre le quaj aveam odío da ello, le dixeam cu^m grande (dexiderio e cu^m) pianto e dolor sover lo corpo e in fra la gente, per lo grande dexiderio che elli aveam che ello fosse honorao e (a) avuo in revereⁿcia p^er tuto lo moⁿdo; p^er che elli criavam: “Zoane profeta, e pu cha profeta, innominao angero Zoane; infra li homi* de le femene, no se ne levà nisun maor; que[sto] è dito p^er la boca de Chr^iste”.*

*

È si vej che li soj disipoli no cognoseam anchor tuta la veritaj de ello, como cognosera^m possa, e como tem la zexia, e como poa l'am loao li nostri santi; e speciamenti voio scrive un sermon che fe san Bernardo de ello, lo quar è scrito in lo libero de la vita de Chr^iste, là unde trata de la morte de san Zoane testo e dixe cossì:

Questa nostra maire de tute le zexie, soè la Zexia romanna, de la qua a dito lo Segnor: “E pregaj p^er ti, Pero, che la toa fe no vegnisse men”; in honor de san Zoane Batesto, depoí lo nome de lo Sarvao, [è] consegrá e consigná. E grande cossa fo, che [lo] singular amigo de la spoza fo exalta[o] in quella parte unde (e) quella maire zexia tem e vor avej priⁿcipio e comensamento, unde san Pero fu crucificao e san Pero* degolao. E nientedemen la dignitaj romanna a lo presente e sea a lo ferior Zoane*. Adornaa fo Roma de moltitudem de maj* martirij. Tuta la aoteza e romaza a lo patriarcha Zoane. Zoane in tuti logi è lo maor e singular sover tuti de lor. Quar aotro se leza p^ersochè ello fo santificao in lo ventre de soa maire, compio de Spirito Santo? (De chi se trova che lo ventre de soa maire compio de Spirito Santo) De chi atro se trova chi in lo ventre de soa maire se alegrasse como fe san Zoane? O de altro fa l'ezexia festa de la soa nativitaj, noma de Zoane? Quar fantim a dexirao lo deserto e la solitudem chomo questo biao fantim? Quar atro conversava in fra la gente cossì atamenti? Quar atro demostrà la penitentia e lo reame de lo cel? Quar atro batezà lo Segnor rej de gloria? A chi cossì apertamenti fo manifestao la Trinitai? A chi dè lo Segnó cossì faita testimonianza de la veritaj? Quar atro e cossì honorao in la zexia, se no? Zoane patriarcha e fim [fu capo] de li (de li) [atri] patriarcha, Zoane p^rofeta e pu cha profeta, persoch'è quelo lo quar ello anuncià in lo ventre de la maire, poa cu^m lo dio lo demostrà. Zoane como agnelo* inter li atri eleto; e so par che lo Segnor disse: “E mando lo me agnelo”. Zoane apostolo e prumé pricao e anunciao de lo regno de lo cel e de lo avangerio. Zoane titulo de verginitaj, e onoreive de posanza*, exempio de caritaj. Zoane martiro e lume de martirio e forma de constatissimo martirio, infra la nativitaj e la morte de Chr^iste; Zoane voxe de cria[o] in lo deserto, e p^ercursor de lo zuixio, bandor de la parola de Dee. Zoane Elia, e fim li* durà la leze e le profecie; Zoane lucerna ardente e resprendente*. E brevementi fo mizo inter li nove ordem de li angeli, che ello passà a l'ateza de li sarafim. Fim a chi disse san Bernardo.

San Zoane Bochadoro (disse), in lo so sermon, de ello disse: “Zoane scora de vertue, e meistro e forma de tute santitae, regora de iustixia, e de le atre che no scrivo, tute sum scrite apoiⁿto in la vita de Chr^iste. Che diremo de questo glorioso Zoane Batesto? O Dee, como se ne passàm cossì quelli santi evaⁿgelisti chi no scrisem de ello se no poche cosse? Penso che elli deissem: “Questo è si atamenti loao da la bocha de Chr^iste, che no è bezogno dir pu; ma lezemo* dir a li nostri fraeli chi veram deré da noi. Ma bem dixe lo evangelio de lo so avegnimento e lo nome chi gi fo misso da Dee, e como fo santo profeta avanti che ello nasesse in lo mondo, avanti fo profeta in lo ventre de la maire, chi aduse lo lume de la profecia a lo paire e a la maire. E scrisem poa la profecia brevementi, de lo deserto, e de lo vestimento e de la soa dotrinna, e cossì se ne passàm; e la caxum de la soa morte e como morì, e anchor brevementi poche cosse ne dissem. Dee, como è da maraveiá de cossì [grande] amigo de Dee; in lo tempo de Chr^iste ello fo mandao da Dee secretamenti p^er apareiar la via de Chr^iste davanti a ello; e era fraelo de Chr^iste e nevo de la Vergem Maria, ma monto era maor in lo conspeto de Dee cha in lo parentao do lo mondo. E como se ne disse cossì pocho? E como fom negrigenti li soi disipoli; e como no scrisem lo paire e la maire e ogni cossa che elli vim e odìm de ello? E si s'è faito poa lezende de ogni sanito; no è staeto si piceno; de ello se (se) po tanto dí. E pensome cossì brevementi, e damene maraveia* p^ersochè cossì fem de la Maire de Chr^iste, che brevementi se ne passàm (e dexeivementi). Anchor me penso che quando elli avem proao che ella era Maire de Chr^iste e beneita sover tute le femene e Vergem avanti lo parto e depoj lo parto, penso che elli lassàm questo a li saniti chi vegnivam deré da elli; bem che monte cosse ne seam staite dite, anchor e pu e maor che noj no savemo pensar, si che ge serea a far fim a la fim de lo mondo. E(l)lo so Fijor ne daga gratia de esser de li soj recomandaj, e sea nostra avocata davanti a ello.

Aora tornemo a sam Zoane; e là unde e o dito che Poro e Andrea eram li soi disipoli, no l'o dito ch'e lo sapia per fermo. Ma me penso che talvota tuti li boni homi e santi, chi eram in tute le contrae de intorno, zeissem a ello; e che elli avessem pu demestegeza cu^m ello cha tuti li atri; azochè elli fossem ameistrai e adrizaj da la soa dotrinna, in so che besognase, e perzochè li santi homi vam a li pu santi cha elli, per esser ameistraj e maormenti a sam Zoane chi era cossì singular homo, chi anunciava lo regno de lo cel e la p^erfecium chi devea esser in lo povo crestiam; p^ersochè li nostri intendimenti no pom compreⁿde la veritaj e la grande excelencia de Zoane Batesto; penso che monto pu è romazo a dir cha quello che am dito li passaj. Quando e penso quella parola che disse lo Segnó de ello, zoè che inter li fijor de le femene no era nao maor de Zoane Batesto, monto me par grande cossa a pensar che ello è maor homo de tuti, e pu cha maor, p^ersochè ello è angelo in carne; e questo è dito da lo Segnor Ih^esu. E sam Bernardo dixe che ello a strapasao de li nove ordem de li angeli e si è pasao a la ateza de li sarafim. Chi porea dir tanto de ello che no sea pu? Doncha taxemo e arecomandamosege quanto noj possamo, che li piaxe de pregá per noj che noj possamo vegnir a la gloria eterna. Amen.*

E voio scrive una bella vixion de questo sanito beneito che e inteixi una vota; che unna annima fo levá a la beá coⁿtemplacium de vita eterna. E quela par vej li ordem de li angeli e de li santi davanti la sedea de Dee, caum in la soa sedia; e inter elli e Dee gi parea co^[sic] fosse un spacio belissimo, a moo de unna piaza. Questa annima stava davanti a Dee e homo de la Vergem Maria soa Maire; e in mezo de questa piaza era uⁿna prea preciosa reunda como unna mora de morim e quasi de quella grandeza. E erage doj scarim, e la gente eram tuti intorno la piaza. E sum questa prea, in lo mezo, si era lo grande baron meser sam Zoane Batesto, era drito e guardava in la faza de Dee, e parea che ello avesse un capello in testa, a moo de unna coronna, como quelle chi se inpenzem a la testa de li santi, e avea indosso la vestimenta de lo gameo. E per quella gi parea cognoselo Zoane. E questa vestimenta parea tuta de oro fim, e li pej de la pelle resplendeam como lo sole.^[sic] E parea a questa annima che Dee e la Maire soa e tuti li angeli e santi tuti guardasem a questo homo cossì glorioso cu^m grande deleto. E parea che gi fosse dito in lo cor che era l'um de li sete candelé ch^e dixe san Zoane in lo libero de l'Apocalis. E pensasse in lo cor so de queli doj scarim, chi aveam quela prea preciosa, che l'um era l'amor grande che ello avea a Dee, ^e l'atro de lo proximo. E vi anchor deré a quello sanito homo, e era um monego, lo quar era so devoto. E era in zenoium, cum le main zunte e um pocho levaj, como se ello orasse; e era presso a questi doj. E cossì era alegro lo glorioso biao Batesto in lo coⁿspeto de Dee. Questa annima dixe, che ella se ne vegne; e romaxe (in) questa inmaginacium in la soa mente si forte, che l'era da loar. E gram tempo se n'alegrava de quela vixium, che quando ella se ne aregordava, gi parea cossì veirla, como l'avea vista da prima.

Finito libro.

Referamus gratia Xpo.