Rime diverse in lingua genovese/Quando lagreme, e perle l'atro giorno
| ←Da Minna in fuora, chi me ve per Dè | Rime diverse in lingua genovese de Quando lagreme, e perle l'atro giorno |
Como diavo desgroperè moè→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
Quando lagreme, e perle l'atro giorno
V'inscivan Minna da i oggi divin,
Chi bagnavan re Rose, e Giasemin,
Dro vostro viso dond'è Mazo adorno.
5Amò ve stavà* svoratando intorno
E dro lago che favi crestalin
Insci questo pissie favà* firin,
Chi me bruxavan, como legne in forno.
Cagna (dissi) se quando chiovè* forte
10Da ri vostri oggi si bruxà me sento,
Che sarà puo como ro so ghe luxe.
E per men mà me missi a fuze forte
Ma correndo a ro fuogo feita* vento,
Che chiù l'acceisi, e chiù conven che bruxe.