 |
Questa pagina a no l'è stæta corretta. | |
Ma correndo a ro fuogo feita* vento,
Che chiù l'acceisi, e chiù conven che bruxe.
Como diavo desgroperè moè
Dre vostre trezze quello groppo chian,
Donde m'havei ligao de vostra man,
Si ben che moe chiù spero liberte?*
5Perche non solo tutto m'agropè
Quando este trezze intortigie* ve stan,
Mà quando per re spalle zù ve van
Ancon me ligan, cosi deslighè.
Ma ligheme pù ben con ro coazzo,
10E no me deslighè fin ara morte,
Che solo ho libertè d'entr'esto lazzo.
E quanto chiù strenzei de bonna sorte
Chiù desgroppà me sentò* con sorazzo,
Si che se m'amè Minna strenzei forte.
A torto dro Cè Minna ve dorei
Perche un oggio dri vostri o s'ha pigiao,
E per fà lume a noi l'atro hà lasciao,
E a torto d'esse guerza voi chianzei.
5Perche doi Soi ro mondo no dè havei
S'un solo n'hà ro Cè manco aprexiao
Basta ben che quel'un, chi v'è restao
Venze ro Sò dro Cè como savei.
