Rime diverse in lingua genovese/Como diavo desgroperè moè

by Poro Foggetta

←Quando lagreme, e perle l'atro giorno

Rime diverse in lingua genovese de Poro Foggetta Como diavo desgroperè moè

A torto dro Cè Minna ve dorei→

da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige

Como diavo desgroperè moè
Dre vostre trezze quello groppo chian,
Donde m'havei ligao de vostra man,
Si ben che moe chiù spero liberte?*

5Perche non solo tutto m'agropè
Quando este trezze intortigie* ve stan,
Mà quando per re spalle zù ve van
Ancon me ligan, cosi deslighè.

Ma ligheme pù ben con ro coazzo,
10E no me deslighè fin ara morte,
Che solo ho libertè d'entr'esto lazzo.

E quanto chiù strenzei de bonna sorte
Chiù desgroppà me sentò* con sorazzo,
Si che se m'amè Minna strenzei forte.