Rime diverse in lengua zeneise/Perchè re donne d'haura marié
| ←Vui vorrei pù coxin che tutavia | Rime diverse in lengua zeneise de Perchè re donne d'haura marié |
A ro Principe d'Oria→ |
| acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996) |
Perchè re donne d'haura marié
L'amó como re figgie vuoeran fá
E a ro barcon stan sempre a chiarlatá
E re chiere han depente, e berlissé,
E veggian con re porte sbarazzé
E lassan montá sù chi voe montá
E zuoegan largo con chi vuoe zugá
E in cangiá sfersi spendan gren diné.
E fin a nonna in giesa ogni di stan
E scorrattando van Zena sor(r)ette
E in cà lassan re figgie in guardia a messi
E ri marij vuoeran sottomette
E pe ra chiera a ogn'un dre neghe dan,
Mi no piggio mogié come voressi.