Ms. Ricci 176/Risposta a Giacomo Porra
| ←torna a l'endexo | Poesie in lengua Zeneise de Risposta do Giurian Rosso a-o Giacomo Porra so coxin |
A ro Sig. Gio: Giacomo Cavallo→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Ro Porco, sció coxin, sacrificoù
A ro dé Bacco in tempo dri Gentí,
Muoé se tegnì si bon de tanti honoí,
In veise sciù l'atá desmezenoù.
Comme vuoi, ro mé aze havei scampoù,
Anzi resuscitoù, non gh'è da dí,
E mi con l'aze ho visto ben, che vuoi
Sei partiale in fin dro parentoù.
Ri vostri versi in somma naturé,
Si ben ch'un poco san de foró misto,
Se vè che son dell'aze appassioné.
Non fé muoé ciù dell'aze augurio tristo,
Mentre che l'aze vuoi resuscité,
Vuoi m'hei dell'aze renovoù l'acquisto.