 |
Questa pagina a no l'è stæta corretta. | |
Ro Porco, sció coxin, sacrificoù
A ro dé Bacco in tempo dri Gentí,
Muoé se tegnì si bon de tanti honoí,
In veise sciù l'atá desmezenoù.
Comme vuoi, ro mé aze havei scampoù,
Anzi resuscitoù, non gh'è da dí,
E mi con l'aze ho visto ben, che vuoi
Sei partiale in fin dro parentoù.
Ri vostri versi in somma naturé,
Si ben ch'un poco san de foró misto,
Se vè che son dell'aze appassioné.
Non fé muoé ciù dell'aze augurio tristo,
Mentre che l'aze vuoi resuscité,
Vuoi m'hei dell'aze renovoù l'acquisto.
Vorrei lasciá stá l'aze, sció Cavallo,
Pá che ve baste dí, che l'aze è un aze,
Mentre con solo fá versi dell'aze,
L'aze se pá in Parnaso ese a Cavallo.
Perchè o no vá un torneise, ni un cavallo,
Ro Cavallo ro ten pe un pesso d'aze,
Per faghe intervegní comm'a quell'aze
Ch'osse zusa a satá con ro Cavallo.
