 |
Questa pagina a no l'è stæta corretta. | |
Ch'oggie a quella'aze fá epitaffi sciù,
Se dre vostre parolle ra virtù
Ro leva d'in tri ciù?
L'epitaffio m'havei dell'aze feto
c 112. E con questo ra vitta me gh'hei deto.
Sonetto
L'aze, sció Giurian, ch'havei loudoù,
A parei mé s'o foise ciù a morí,
In sentive de lé così ben dí,
No mett'in dubbio ch'o saré scampoù.
Ma che ve creivo vuoi l'aze bioù,
Non morrà muoé, ni muôé ciù ha da finí,
E tutto Zena, in veive comparí,
Zureré de vei l'aze li spuoù.
Stante che i vostri versi strasciné,
Così han dell'aze all'annima provisto,
Che ghe l'infondan li per carité.
Ho letto libbri, corpo d'antechristo,
Grossi, e sottí ma si ben dito muoé
Ch'haggian dell'aze così ben, n'ho visto.
