Ms. Ricci 176/Replica a ro Rev.do
| ←torna a l'endexo | Poesie in lengua Zeneise de Replica a ro. P. Lazaro Gianello |
A ro P. N. chi gh'haveiva domandoù un canario da fá razza.→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Monsignó dose tenero, et amabile,
Confiteor che m'hei ben sta vott'impio
Ri precordij d'un gusto incogitabile.
Hinc ago gartias vobis, patron mio,
Dri carmini ch'a noi nemine excluso
D'intrategno ad un circolo han servio.
Idest, per non lasciá ro senso astruso,
Son missi in pá dro Tasso d'ond'o dixe,
Tond'è 'l ricco edifitio e nel più chiuso.
Tutt'in fin l'accademia ve benixe,
E per capive allargan tanto d'oeggio,
D'odive leze ogn'un pá ch'o desbrixe.
Chi vuoe ciantav'in testa un orofuoeggio,
Chi in man ve piggia e con manera bella
Devotamente se ne tocca un oeggio.
Chi v'escramma per Meistro de Capella,
Chi v'oré vei vestio da Cardená,
Chi v'oré puoei investí ra sò capella.
Chi dixe: comme lié non ghe n'è un pá,
Chi dixe: mi o me cresce d'in tre muoen,
Dix'un atro: o ne sa ciu, ch'o no pá,
Re Muse in sugo van de taggiarin,
E ve stimman ciù vuoi, che non fé vuoi
Ra congiugation con ro sappin;
Ch'in somma sei de quelli da condí,
Un Domine chi sa ciù che trei assi,
Un Archipoeton da dí de vuoi.
Ma piggié comme i atri barlugassi
In quelli versi dosi comme amé,
Si ben ch'un poco in fondo amatan sassi.
Onde, se don spuá ro parei mé,
Questi vostri sonetti a fe de doa
Appointo fan dri Previ ro mesté.
Ri qué in utroque foro in gratia soa,
Comm'han ben vuointo inanti ri paré,
Ponza sciù ro deré puoe con ra coa.
Con ra coa, senza coa, comme se sé,
Vuoi me dé gusto, e m'oré pu inzegná
Per rendeve ro gusto che me dé.
Se ben sò sciù ra fin comm'ho da fá,
Ch'ho con meigo un secretto fin che vive
Per quand'oeggio dá gusto a un vostro pá.
Vorei che ro destende, e ve ro scrive,
Zuoego a ra morra con mié fré menó
Usque ad effusionem inclusive;
Ma questo ve ro diggo, monsignó
In confession che non ro mostrereiva
Muoé, per quant'oro s'ascad'a ro só.
Ma che mi mortalmente pecchereiva
S'in luoego d'un mé fré non ve tegnisse,
Perchè havei ciù virtù che non me creiva.
Vuoi con bonne parolle, e peire nisse
Dí serte cose, che ro Galateo
Diré de vuoi comme d'un Preve o disse.
Comm'Anfion me dí che fasso reo,
Ma se gueri deré ciù me vegní,
Diran che d'Anfion dovento Orfeo.
Che fasse ra coverta vuoi me dí
A re sazisse, e se m'invidié,
Mi vuoeggio dave ra coverta a vuoi.
Anzi per non trattá con formaggié,
Oeggio vei d'accordave a un tanto l'anno
Con ro sotteprioe dri berodé.
Vuoi ch'o ve stà vexin, se non m'inganno,
Intreghe un po da miezo aliquo modo,
Che de fá ben non n'haverei muoé danno.
Ma direi ch'a n'e cosa d'hommo sodo,
Con tutto sò, sò che ro sangue tira,
Massime quando gh'intra ro berodo.
V'oré dí non sò che, ma per finira
Vuoi dei savei che parlo a bonna fin,
Oltre ch'ogni parolla no s'infira.
Ni ra mé musa con re suoe raxoin
De fave inversá vuoi, s'ha mai pensoù,
Mentre sei ro carzuoe dri mé patroin.
Per vuoi patron ghe spireré ro scioù,
E con mé fré ghe mostreré ra testa,
Che ro monsció n'ha tutti affoituroù.
Così ve port'ogn'un sorva ra testa,
Tamquam vir de scienz'imbuto e predito,
Che con ri suoe scolari ha bonna testa.
Se un giovinetto imberbe, è a un vitio debito,
E vuoi con arte eximia e senz'interula
Ro fé repente a ra virtù fá reddito.
Ni ve movei per voxe blanda, e querula,
Ma fin che no sei bon, functus officio
Non deponei ra verberante ferula.
Et qualis esset senza quest'ofitio
Ra petulante imberbe adolescentia
Reluctante a ro ben pronna a ro vitio?
Grattev'un poco ra reminiscentia,
E butté un oeggio in libris verbi gratia,
Quanta sit huius artis excellentia.
Quant'in ro vitio ciù stanca e non satia
L'insulsa zoventù con vuoeggie indomite,
Complecte re raxoin dra so desgratia.
E tanto ciù lantó fortuna comite,
Virtute duce a ri scolari impuberi
Ro meistr'in virga ferrea ten ro fomite.
Si ben all'ombra degl'opachi suberi
Mostran ra penna a ri figgiuoe conducere,
Puoescia a ra muoere van mongendo gl'uberi.
Onde con sta raxon mi vuoeggio inducere,
Che sempre ciù da st'arte nobilisssima
Fruti degni de lé se vè producere.
Donca beneito sé l'archidegnissima
Vostra virtù, ch'in l'arte pedagogica
Refulge quasi stella elocutissima.
Vuoi con l'humanité frughé in tra Logica,
Cacciando l'argomento in forma valida,
Ma chi gh'è unna parolla amphibologica
S'è ver che spesso in certa forma invalida,
Ra vostra testa, dixe ro magnifico
Ricevut'ha materia troppo calida.
In concrusion mentre che mi m'edifico
Dri pari vostri, a mi me pá impossibile
De trovan'un ciù sodo, e ciù honorifico.
E mentre mi con un amó indicibile
De quest'ossequio a vuoi pago ra decima,
Guardeve da braghe troppo strinzibile,
E vostro fré da Lunna in quintadecima.