Ms. Ricci 176/Dro Sig. Gio: Giacomo Porra so coxin - Sonetto
| ←torna a l'endexo | Poesie in lengua Zeneise de Dro Sig. Gio: Giacomo Porra so coxin - Sonetto |
Risposta→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Sonetto
L'aze, sció Giurian, ch'havei loudoù,
A parei mé s'o foise ciù a morí,
In sentive de lé così ben dí,
No mett'in dubbio ch'o saré scampoù.
Ma che ve creivo vuoi l'aze bioù,
Non morrà muoé, ni muôé ciù ha da finí,
E tutto Zena, in veive comparí,
Zureré de vei l'aze li spuoù.
Stante che i vostri versi strasciné,
Così han dell'aze all'annima provisto,
Che ghe l'infondan li per carité.
Ho letto libbri, corpo d'antechristo,
Grossi, e sottí ma si ben dito muoé
Ch'haggian dell'aze così ben, n'ho visto.