Ms. Ricci 176/A ro Sig. Lucca Azarin
| ←torna a l'endexo | Poesie in lengua Zeneise de A ro Sig.r Lucca Azarin pe ra dilation dre nozze dro Sig.r Cosmo Centurion e ra Sig.ra Maria Francisca de Marin. |
A ro Sottocanzelé Castellin per unna segurté de vitta.→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Che ve ne pá sció Lucco!
Quest'è ben cravanchinna,
Che quando ro sció Cosmo pens'andá
A fase dí de si da ra sposá,
Te ghe trà fuoera, che l'è sò coxinna;
E per sò in tutta somma
Ghe besuoegna aspetá
Ra despensa da Romma.
Ma sei che l'è, da puoé
Non se ra piggia a cuoe,
Perchè ste gioie son tanto ciù care,
Quanto ciù l'hommo s[c]ciuoeppa d'aspetare,
Dighe, ch'o l'haggie donca unna stizzinna
Ancon de patienza,
O arriverà ben presto a ra coxinna,
Ma besuoegna passá pe ra despenza.