Laude zeneize do XIV sec.
II. Della nativitai de lo nostro Segnor Jexu Criste.
ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

[p. 331 modifica]


II.
Della nativitai de lo nostro Segnor Jexu Criste.


1.
Or è nato l'agnelo,
Criste pin de dozeza;
ogni homo s'aperegie
a receivero cum amore.

2.
Ogni homo s'apareie
monto devotamenti
a receiver lo doce Criste
nato novelamenti;

3.
lasciamo le peccae,
e seamo obedienti
ali soi comandamenti,
che ello si è lo nostro redentore.

4.
Or som compij li iorni
de lo parto de Maria:
semper stagando vergen
ella ea partoria

    1. 3 ##

1. V. I. — Cum è la forma più frequente nel ms.; U abbiamo adottata anche quando dovemmo compire V aU>revia2Ìone, meno in alcuni cast in cui preferimmo la forma coh o f nii, perchè in (i)F. ixvi r. auella stessa poesia, a poca distanza , ci si of- friva intera questa seconda forma. V. 50. — (•) F, LXVI f .

[p. 332 modifica]

5.
uno doce fantineto,
chi lo mondo à in bairia.
Pregemora tuta via
per ogni peccatore.

6.
La vergen glorioxa
pinna de ogni belleza,
guardando a lo so fijo,
aveiva grande allegreza.

7.
Ella non aveiva drapi,
ni robe de richeza;
de povera robeta
fasciava lo Creatore.

8.
Ancoi si è compio lo tempo
chi tanto è dexiderato,
et li santi profeti
l'aveivan anonciao:

9.
lo doce Jexu Criste
in Bethleem si è nato,
li angeri si àn cantato
canti de grande allegreza.

10.
Gloria a Deo in celo
li angeri van cantando,
et alla bona gente
in terra paxe anonciando;

11.
li pastor si veiavan
lor bestie guardando:
Criste van cercando,
chi è nato salvatore.

12.
Li pastor trovan Criste,
chi in lo presepio iaxe.
L'angero glorioxo
mandao da Deo veraxe,

13.
chi li peccai perdona,
allo mondo si dà paxe,
li nostri cor abraxe
de lo so doce amore.

14.
Or amemo docementi
questo nostro Re novello,
chi per noi è nato in terra
si como poverello:

15.
ello non à richeze
ni servo ni donzelo;
lo bo e l'asinello
si ge fan grande honore.