Laude zeneize/1

←endexo

Laude zeneize do XIV sec. I - De la primera domenega de lo avento fin alla nativitai de Criste.

II. Della nativitai de lo nostro Segnor Jexu Criste.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

I.

De la primera domenega de lo avento fin alla nativitai de Criste.

Ogni homo cum devocion
s'alegre* in questo santo avento :
or è preso lo tempo,
4che dè nasser lo Salvaor.
Ogni homo cum devocion
s'alegre* in questo santo avento:
chi è staito peccaor
8si vegna a pentimento;
Or se aprossima lo tempo
de grandissima allegreza;
Criste pin de ogni doceza
12ven a salvar li peccaoi.
Or se aprossima lo tempo,
che lo Re de paraixo
si dè nasser de una vergem
16como era stao promisso;
De paire n'à tramiso
lo so fijor veraxe,
chi farà la doce paxe
20inter Dee e li peccaoi.
Deo paire si n'à mandao
lo so fijo glorioxo,
lo agnelo senza pecao,
24Iexu Criste pietoxo;
lo mondo, chi era tenebroxo
e pin de oscuritae,
receverà luxe e claritae
28quando nascerà lo Salvaor.
O mondo, chi era senza luxe,
or abi grande allegreza:^[1]
lo doce Criste si t'aduxe
32gracia e perdonanza;
ogni peccaor cum gran speranza
se parta dalli pecai,
e non ge torne zamai
36per amor de lo Segnor.
Or te allegra, peccatore,
e lassa zomai le pecae:
a ti ven lo tuo Segnore
40cum grande humilitae;
per ti vosse nasse cum povertae
de una povera fantina,
in una caxeta picenina,
44senza richeza ni onor.
Lo nostro doce Segnor
de nascè poveramenti
de Maria benedicta fior,
48chi lo porta in lo so ventre;
ogni homo devotamenti
si se debia aparegiar,
e la soa anima mondar
52a receiver lo Sarvao.
Ogni homo devotamenti
si sea apareiao
a receiver Criste omnipotente
56quando ello serà nao;
non romagna arcun peccao
in la nostra consciencia,
chi sea contra la reverencia
60de lo nostro Creatore.

1. Leggi allegranza per convenienza di rima.