Laude zeneize/3

←II. Della nativitai de lo nostro Segnor Jexu Criste.

Laude zeneize do XIV sec. III. Della epiffania de lo nostro Segnor Jexu Criste.

IV. Della primera domenega de quareixema fin alla domenega de la passion.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

III.
Della epiffania de lo nostro Segnor Jexu Criste.

Cerchemo lo Salvatore
cum li re in compagnia,
chi è nao per nostro amore
4de la vergen Maria.
Andemo a cercar
lo nostro Creatore,
chi è nato per salvar
8tuti li pecaoi.
Li Re cum grande amore
vegnivan da oriente,
cercando humelmenti
12lo Re de gran bairia.
Li Magi si cercavan
Iexu Criste desirao,
et per Ieruxalem spiando
16cum lo cor inluminao:
unde è lo Fantin chi è nao,
chi è Re de li Zuè?
In oriente vimo in ce
20la soa stella, chi è parsua.
O Re turbao monto forte,
Herodes Re marvaxe
et si voreiva dar morte
24a Criste Re de paxe,
digando: a mi si piaxe
che voi l'andei a cercar ;
si lo verrò a adorar
28in vostra compagnia.

Li Magi se partian
da Herodes doloroxo,
et in Bethleem vegnivan
32a veder Criste glorioxo.
Lo Fantin pietoxo
alegrava li Re santi;
la soa stella i andava avanti,
36chi gi mostrava la via.
La stella cum splendore
li santi Re menava,
onde era lo Salvatore,
40e lì sovra s'astallava[n];
et intrando in la doce caxa
trovàn un fantineto,
chi iaxeiva povereto
44cum la vergene Maria.
Li Re se inzenogiavan
cum grande humilitae,
et lo Fantin adoravan,
48la divina maestae.
O quanta claritae
era in lo doce vixo
de lo Re de paraixo,
52chi era inbrazao de Maria!
Li Magi àn averto
lo so grande texoro,
et a Criste àn oferto
56mirra, incenso et oro.
L'angero gi dise in sono:
a Herodes non tornai.
In lo so regno alegrai
60retornàn per altra via.
O anima pinna d'amore,
or ve a contemplare
Criste lo to redemptore
64cum Maria soa maire;
ello si s'è vosuo humiliare
et esser to fraello
per menar a ti in cielo
68alla soa compagnia.