Cava in to remoin 1930/SERENATA D'ÂTRI TEMPI
| ←A dattilografa | In to remoin de Serenata d'âtri tempi |
E stelle do mae chêu→ |
SERENATA D'ÂTRI TEMPI
A-i tempi mae, da zoveno,
vêu dî tant'anni fà,
sotto i barcoin da bella
s'ûzàva de cantâ.
Ûn o cantava a-a Giûlia,
ûnn'âtro a-a sêu Rosin,
stonandu in sce-a chitâra,
grattando ö mandolin.
affaccite, Rosin!
E drin, drin, drâ...
De votte tûtta timida,
fra mezo a 'na tendinn-a,
spontava da-a finestra
'na testa biricchinn-a.
Ma spesso a l'ëa 'na scarega
de tôsci e imprecazioin,[1]
che proprio in to ciù bello,
ciêuveivan da-i barcoin.
Lasciae dormî i vexin!
E drin, drin, drâ..
L'amô ciû trêuva ostacoli
con ciû se fà testardo
e doppo quarche seia
se aritornava a-o lardo.
E zû de nêuvo a spremise[2]
pe veddila agguaeitâ,[3]
a rischio d'ûn batteximo
d'aegua do... rûxentâ.[4]
M'ëi rotto zâ i cordin!
E drin, drin, drà...
Pûre fra mezo a-e scarighe
de tôsci e de giastemme,
l'amô «forte e tetragono»
dui chêu ligâva insemme.
E allöa in Municipio,
con a «fanciulla amata»
finiva ö dôçe idillio
a prêuva de tomata.[5]
Evviva i dui sposin!
E drin, drin, drâ..