Cava in to remoin 1930/A DATTILOGRAFA
| ←Ö pescou da canna | In to remoin de A dattilografa |
Serenata d'âtri tempi→ |
A DATTILOGRAFA
Mi son a dattilografa
de l'avvocato Tale
e ho pe-o scrive a macchina
ûn don quaexi speciale.
Conöscio ûn pö a grammatica,
assae l'ortografia
e lezo ben corrente
ogni calligrafia.
Mae principâ l'é zöveno,
l'é conosciûo in to Foro,
e me caressa spesso
dixendome: «Tesoro!»
Ghe fasso ûn pö a ritrosa,
finzo de protestâ;
ma poi m'arrendo sûbito,
söspio e... lascio fâ.
m'assetto pe copiâ
e mae maninn-e addescian
ûn çerto ticche-tâ,
che quaexi pâ 'na mûxica
e ticche ticche ticche
Piâxo, son fresca, zôvena,
ho dixêutt'anni appenn-a,
ciû d'ûn cliente in stûddio
m'ha invitôu a çenn-a.
Mi g'ho risposto: «Grazie!...
no posso... gh'é mammà...
Però se sciâ vêu insciste
nö posso rifiûta...»
Guadagno... scì guadagno,
ma e speize anchêu son tante,
e vaddo qualche seia
da ûn vëgio commerciante.
Copio e risposte a-e lettere,
compillo de fattue
e pe tegni ö decoro,
ne devo fâ figûe.
m'assetto pe copiâ
Da ûn pò de tempo ûn zôveno
distinto o me pedinn-a;
mi fillo drita, serïa
con fâ da moneghinn-a.
Dev'ëse ûn tipo timido,
se vedde da-o sêu fâ,
e ancon no s'é deciso
a voeise presenta.
Ho zà ö mae piano pronto:
ö zoveno me piaxe,
aspëto segge chêutto[1]
ben ben inçimma a-a braxe[2]
de quell'amô che, çerto,
presto me dichiariâ,
e ö porto a fâ a dimanda
in casa da mammà.
m'assetto pe copiâ