Ro Chittarrin/À ro virtuosissimo signor cavaliere Antonio Rafaele Mengs

by Steva de Franchi

←Pe ro reverendissimo signor Domenego Aurelio de Françeschi

Ro Chittarrin, o sæ strofoggi dra muza de Steva de Franchi À ro virtuosissimo signor cavaliere Antonio Rafaele Mengs

In lode dro sig. capitan Lorenço de Fer→

À ro virtuosissimo Signor Cavaliere Antonio Raffaele Mengs, dîto ro moderno Rafaele, primmo Pittô de Cammera de sò Maestæ Cattolica, in occaxion che passando da Zena l'anno 1770. o misse in luxe diverse sò opere.

SONETTO.

Signor Raffè, mi son strasecolao
De vei comme i pennelli adœuveræ!
Questo secolo l'era reservao,
Per fâ renasce in voî l'antiga etæ.

Chi ve dixe de Urbin ò figgio ò fræ,
Chi de Giulio o Tiçian coxin zurao:
Chi de Correggio e Guiddo, e d'ommi tæ
Dro mæsmo sangue e streito in primmo grao.

Perchè v'è dæto l'añimo accoppiâ
Ro ciù bello in voî solo, e ro ciù bon
Che quelli uníi han zà sapuo vantâ.

Ma mi me crao de ciù, che uña union
Dre añime de quelli s'è formâ,
E se n'è fæta in voî trasmigraçion.