Rime diverse in lingua genovese/Risposta a ro giurista Spinnora
| ←Ro giurista Spinnora à ro Poeta Zeneixe | Rime diverse in lingua genovese de Risposta a ro giurista Spinnora |
A Zena fuò de cha moè no esso mie→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Se ben no hò Smirna, e Mantua superaou
Dri me versi Zeneixi naturè,
A mi me basta, che per versi tè;
Ro Poeta Zeneixe son chiamaou.
5Mi son Zeneixe, e Zena ho sempre amaou,
Però Parlo Zeneixe, in lingua mè,
No in lengua, d'atri como i inspritè,
Ni d'atro cha dro me vago fassaou.
E se Tuscan parlasse (si dighè)
10Nobile no parreiva mi Fogetta,
Como son steti, e son tutti ri mè.
Che re leze à noi dete da strangiè,
Mecanico feto han como Bazetta,
Chi à l'arte dro Tuscan chiu va derrè.