 |
Questa pagina a no l'è stæta corretta. | |
A mi me basta, che per versi tè;
Ro Poeta Zeneixe son chiamaou.
5Mi son Zeneixe, e Zena ho sempre amaou,
Però Parlo Zeneixe, in lingua mè,
No in lengua, d'atri como i inspritè,
Ni d'atro cha dro me vago fassaou.
E se Tuscan parlasse (si dighè)
10Nobile no parreiva mi Fogetta,
Como son steti, e son tutti ri mè.
Che re leze à noi dete da strangiè,
Mecanico feto han como Bazetta,
Chi à l'arte dro Tuscan chiu va derrè.
A Zena fuò de cha moe* no esso mie,
Che à cha no torne allegro otra mezura
Che sempre incontro quarche criatura
Chi me raxonna de galantarie.
5Como sareiva à di de Poexie
E de medagie antiche* e de scultura,
O de quarche bellissima impentura
O d'atre dilettose fantaxie.
Ma moe* no esso de cha se à Zena son
10Ch'non* me incontre per desgratia me.
Quarche siaretta, ò quarche grevanton.
Che de litte me parla da pugnè
O dra nostra mareitta divixon,
Si che chin de grevò torno à cha me.
