Rime diverse in lingua genovese/Puo che ra Toga antiga chiù no usemo

Rime diverse in lingua genovese de Poro Foggetta
Puo che ra Toga antiga chiù no usemo
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 47 modifica]

Puo che ra Toga antiga chiù no usemo
Paremo Cattarolle tutti d'oro
Per che portemo chenne; e bottoin d'oro
E fin à ro rosetto se mettemo.

5E chiu dre donne infin se berlisemo
Che se fasemo ro cavello scioro
Per fà dra Ninfa, e fà dro Polidoro.
E fin à ri stivè se perfumemo.

Ma chiu d'hono* sareiva à noi citten
10Savei d'aggi, de porri, e cevollette
Cha de moscao Zibetto, e cose tè.

E fin a ri figioè de parei ben
Tennan chiu quinto, cha re donne asse*
Si che fan danno à donne, è fantinette.