Rime diverse in lingua genovese/Puo che i honeste Toghe emo lasciè

by Poro Foggetta

←Quando ra Toga antiga anchora usamo

Rime diverse in lingua genovese de Poro Foggetta Puo che i honeste Toghe emo lasciè

Puo che ra Toga antiga chiù no usemo→

da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige

Puo che i honeste Toghe emo lasciè
In cazze se n'andemo, e in giponetto
E de sorva portemo ro coletto
Ni chiù Citten paremo, ma sodè

5Ch'aura fin'a ri vegi desdentè
In gipon van, per fà dro zovenetto

E pà ch'andemo a fà quaxi un baletto
Quando in Consegio andemo, o luoghi tè.

E capette si curte ogn'un se fa
10Che ben re chiappe no ne pon crovi*
Pero* semo chiamè tutti capette.

Ma con vesti* si bravo da schiarrette
Ne fareiva unna gatta aura fuzì
Che l'abito ro monaco no fà.