Rime diverse in lingua genovese/D'Italia, Franza, e Spagna re garie
| ←Perche chiu dro comun ro proprio ben | Rime diverse in lingua genovese de D'Italia, Franza, e Spagna re garie |
Dond'è l'honò dri nostri antighi, e groria?→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
D'Italia, Franza, e Spagna re garie
Noi Zeneixi per atri comandemo,
Perche si boin pilotti, e patroin semo,
Che quelli dri paghen ghiemo assie.
5Ma per noi mesmi duri chiu cha prie
Armà garie infin chiu no voggiemo,
E inzegno, e forza a gran Signoi prestemo
Daposcia un Corso ne sconcaga chie.
Che noi per navegà semo nasui
10Ma in cangi hemo cangiaou ro navegà,
E l'oro in pompe in prie uzemo spende,
E cavalli ancoe di semo tegnui
Chi no conossan re sue forze grende,
E però da cascun se ven domà.
15E ponze, e cavarcà;
Anzi re nostre forze conoscemo,
Ma tanti matti, ò tanti ostinè semo.
Che astrangie* re prestemo.
Ri que spesso han per noi de gran vittorie,
20Si che s'honoran con re nostre grorie.
Scritte per mille historie;
E perche à forestè l'honò vendemo,
Senza honò noi Zeneixi se trovemo.