Rime diverse in lingua genovese/Dond'è l'honò dri nostri antighi, e groria?
←D'Italia, Franza, e Spagna re garie | Rime diverse in lingua genovese de Dond'è l'honò dri nostri antighi, e groria? |
Sentì me pà ra fora de bestento→ |
da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Dond'è l'hono* dri nostri antighi, e groria?
Chi han sott'e sovra terra, e mà buttao,
Perch'han ro vero honò tutti apprexao,
Quanto noi l'oro, pompa, e vanagroria?
5Cosa de di messe* Paganin Doria;
Chi era fragello de paghen chiamao?
Cosa de di messe* Giaxo Axerao,
E i atri antighi degni de memoria?
Che paraxi da Re chi fa ne ven
10Puoe da un nostro vassallo, e da corsè,
Batte ne ven per che garie n'hemo.
Ch'oura da Duchi tutti sta voggiemo,
Ma quelli chi ro mondo trema* fen,
A Zena stavan da citten privè,
15Senza paraxi orne;*
Ma se ben vivi in gran paraxi stemo
In streita fossa morti allogierem[o],
Ni ciù mente* saremo;
Donca come i antighi femo noi,
20Se morti, e vivi havei veggiemo* honoi.
Che son monto meggioì;
Per fane honò, ri legni dre garie,
Cha re poise de cangi, e pompe, e prie.