Rime diverse in lengua zeneise/Se questa è neive chi ven da ro cé
←Frottora dri schiapoei de legne | Rime diverse in lengua zeneise de Se questa è neive chi ven da ro cé |
Madonna Peretta Scarpa à Messé Poro Foggietta→ |
acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Se questa è neive chi ven da ro cé
Come a ra sò gianchezza vei me pá
Come diavo ghe puoe drento stá
Ro fuoego, chi me bruxa si crudé?
Se l'è un marmaro giancho dritto in pé
Come ra sò durezza puoe mostrá,
Come diavo fallo a caminá
E a tirá frecchie come un barestré?
Ma se l'è Donna pù de carne, e d'osse
In terra come a pá, ben hò certezza
Che vei chiù bella cosa no se posse.
Che l'è chiù bella dra mesma bellezza
E chiù bella sareiva s'a no fosse,
Chiù dura ancora dra mesma durezza.