Rime diverse in lengua zeneise/Se con un zove unna fantinna avanti

Rime diverse in lengua zeneise de Poro Foggetta
Se con un zove unna fantinna avanti
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996, acescibbile da archive.org)
[p. 7v modifica]

Se con un zove unna fantinna avanti
Ballava in chiazza, ò in quarche caminá,
Moé se lassava ra so man toccá
E a ghe porzeiva ro mandillo avanti.

E aura senza mandillo, e senza guanti
Con ro zove ogni figgia uza ballá
E se lassa ra man belletegá
E fregasera ben da ri gallanti.

Che a fá ri fetti su[o]e, dixe ogni figgia
No s'imbrattà re moen ra gente moé,
Si che ri guanti fan per chi ha spravé.

Ni chiu ballan chianin per onesté
Ma mennan sottro son si ben ro pé
Che suan forte, e sua chi re piggia.