Rime diverse in lengua zeneise/Quando lagreme, e perle l'atro giorno
| ←Da Minna in fuera, chi me vè per Dé | Rime diverse in lengua zeneise de Quando lagreme, e perle l'atro giorno |
Como diavo desgroperò moé→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Quando lagreme, e perle l'atro giorno
V'inscivan Minna da i oggi divin,
Chi bagnavan re rose, e giasemin,
Dro vostro viso dond'è mazo adorno.
Amò ve stava svoratando intorno
E dro lago che favi crestalin
Inscì questo pissié fava firin,
Chi me bruxavan, como legne in forno.
Cagna (dissi) se quando chiove forte
Da ri vostri oggi si bruxá me sento,
Che sarà puo como ro só ghe luxe.
E per mem[sic] má me missi a fuze forte
Ma correndo a ro fuogo fei tá vento,
Che chiu l'acceisi, e chiu conven che bruxe.