Rime diverse in lengua zeneise/A madonna Peretta Scarpa
| ←Resposta a Madonna Peretta Scarpa | Rime diverse in lengua zeneise de A Madonna Peretta Scarpa |
A ra mesma→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Se pù vei Peretinna vorenté
Che vegne a veive, como me scrivei
Vorenté ghe verrò, quando vorrei
Se fé che possan veive i oggi mé.
Ch'aura fé si gran luxe, zuro a Dé
Che se v'aguardo no ve posso vei
Perche m'abbarlughé, si m'accendei
Como d'usanza fa ro só dro cé.
Ch'aquila no son mi da poei mirá
Ro vostro só, ro quá conven che schive
Per no perde ra vista, e no bruxiá.
Se no fé voi como dro Só se scrive
Che per lasciase so figgio acostá
Ascose re sue luxe sempre vive.