Piaggio M. - Poesie 1846/Esopo Zeneize/A Mosca e o Bêu
| ←O Can e o Gatto | Esopo Zeneize de A Mosca e o Bêu |
A Sigaa e a Formigoa→ |
FOA XIX.
Unn-a Mosca de Stæ, stanca e affannâ,
In scë corne d’ûn Bêu a s’andò a pösâ,
E a ghe disse: se mai te peizo troppo
Dimmeo, che me ne vaddo de galoppo;
Sciolla! rispose o Bêu, ti me fæ rie,
E chi saveiva che ti fosci chie?
Quanti nesci gh'è a-o mondo, che ghe pâ,
Scibben che son vescighe, de pezâ!
