O Cicciollâ 1930/Riçetta pe fâ ben e bonn-e Faeste
| ←A Faesta de Sant’Antonin | O Cicciollâ de Riçetta pe fâ ben e bonn-e Faeste de Aostin Brun |
Un sensâ→ |
| lasciòu inalterâ a grafia do "Cicciollâ". |
Riçetta pe fâ ben e bonn-e faeste
Piggia da-o maxellâ ûnn-a bonn-a fetta
De bêu, azzunzighe insemme duî cappoin,
Roba da poeî fà o tòcco a-i macaroin,
Diverse costiggêue, testa în cascetta,
Xiambon, salammo, ûn pö de säsisetta,
Duî berodi, e di intingoli ciû boin,
Amaretti, beschêutti, e atri bomboin,
Vin bon da poeî levâseghe a berretta.
E tûtto porta a casa a tò moggê
Che, secondo l’ûsanza de famiggie,
De dâghe a consa a se ne intrîga lë.
A töa procûa d’aveîghe i mascci ë figgie,
A nonna, se a l’è viva, cö messê,
E vêua ciû che ti pêu de gren bottigie.