O Cicciollâ 1930/I Casciae

by Aostin Brun

←A scoverta dell’America

O Cicciollâ de Aostin Brun I Casciae

A Faesta de Sant’Antonin→

lasciòu inalterâ a grafia do "Cicciollâ".

I Casciae

Intrando in Savon-na
Da-e porte Bêllae,
Piggiando a sinistra
Se vedde i Casciae.
Lazzû o gh’è de tûtto,
De tûtto ghe fan,

Da torta de seixou,
Da torta de gran.
A drita e a sinistra
Ghe sta e canevinn-e:
Andaele un pö a vedde
Che belle biondinn-e!
Zacchè finalmente
L’han faeta astregâ,
Ghe poemmo dâ o titolo
De bella contrâ.
Voeî vedde o carattere
Da vera Savonn-a?
Piggiaeve o distûrbo
D’andâghe in personn-a.