 |
Questa pagina a no l'è stæta corretta. | |
Da torta de seixou,
Da torta de gran.
A drita e a sinistra
Ghe sta e canevinn-e:
Andaele un pö a vedde
Che belle biondinn-e!
Zacchè finalmente
L’han faeta astregâ,
Ghe poemmo dâ o titolo
De bella contrâ.
Voeî vedde o carattere
Da vera Savonn-a?
Piggiaeve o distûrbo
D’andâghe in personn-a.
Miae ûn pö là quante personn-e
Tûtto sciû da-i Cappûççìn!
Dove van? Van tutte ä faesta
Che se fa a Sant’Antonin.
Voeî piggìâvene ûnn-a vista?
Vegnî, andemmo cianinetto
Sciû pe-a stradda da Taggiâ:
Attacchemose a brassetto
Miae che lêugo pittoresco,
Tûtto fosco e senza sô:
M’arregordo che a-i mae tempi
Ghe vegnîva a fà l’amô.
Comme gh’è mai romanzesco
Lâ da-i fratti! In mae veitaè
Se mi avesse torna a nasce
Fâme fratte me vorriae
Lazzû basso a Montûrban
No ghe stiesci voî voentêa,?
Giemmo chi da sta crêusetta....
A veddeî là ûnn-a bandêa?
Là gh’è di osti, e a l’è do lêugo
A ciû bella posizion:
