Ms. Ricci 176/Suoenno dra moggié dell'autó
| ←torna a l'endexo | Poesie in lengua Zeneise de Suoenno dra moggié dell'autó |
Aurelia Comica - Sonetto→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Si ben dre votte in quarche sò discorso
Ra mé meité va fuoe dro semenoù,
E che con vorrei fá dro reporoù,
A fa che mi me daggo spesso all'orso;
A l'ha però da lé tanto discorso,
Che s'a me vè dro tutto inveninoù,
Lantó a s'asquatta, perche a l'ha provoù,
Che sò mi assì mostrá ro suffo all'orso.
A l'è tutta bonn'ombre in feta fin,
L'è gratiosa a fè de Christian;
Sentí sto caxo chì de sta mattin.
A se descia, e me ciamma: ò Giurian,
M'assunava, che fava taggiarin,
Me son dexá con ro canello in man.