Suoenno dra moggié dell'autó


Si ben dre votte in quarche sò discorso
Ra mé meité va fuoe dro semenoù,
E che con vorrei fá dro reporoù,
A fa che mi me daggo spesso all'orso;

A l'ha però da lé tanto discorso,
Che s'a me vè dro tutto inveninoù,
Lantó a s'asquatta, perche a l'ha provoù,
Che sò mi assì mostrá ro suffo all'orso.

A l'è tutta bonn'ombre in feta fin,
L'è gratiosa a fè de Christian;
Sentí sto caxo chì de sta mattin.

A se descia, e me ciamma: ò Giurian,
M'assunava, che fava taggiarin,
Me son dexá con ro canello in man.


Aurelia Comica
Sonetto


Tra ra carne stupendo è ro vitello,
Tra ri pesci ra Truta o Dentexetto,
Fra re cose de pasta ro Corzetto,
Tra re peire, e tra i vin ro moscatello,

Ro Tordo ancon fra qua se vuoeggie oxello,
Fra dosi, e boin boccoin, ro pastissetto,