Ms. Ricci 176/Ringratiamento ad unna Monega
| ←torna a l'endexo | Poesie in lengua Zeneise de Ringratiamento ad unna Monega |
A ra Sig.ra Adorna→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Patronna colendissima,
Za che per vostra propria
Splendidezza magnanima
Vûoi m'havei feto gratia
Ciù grande, che no merito,
Che mentre mi ve visito,
Ve regallo de ciacciare,
Ve porto dre fandonie
Ve recito dre frottore,
Vuoi sei si larga, e sprendida,
Che ve degné respondeme
Con atro che ballottore;
Onde poss'in sostantia
Dí ben che re mé prediche
Fan fruto in abbondantia,
Mentre con man si prodiga
Veggo contracangiamere
Con frute così nobili,
Che muoé mi non me satio
De dí che per mé utile
Re vostre peire, e perseghe,
Re brigne, e re damaschine,
Che n'imbrignan ri dattari.
In fin re vostre gratie,
Ch'han si doce l'origine
Non puoera'n conseguentia
Parei se non docissime
Comme vuoi tutte zuccaro;
Si comme in bonna logica
Ri accidenti seguitan
Apponto ra natura dre sostantie.
Per ciò ra mé Calliope
Sta mattin perleccandose
De cibi così nobili,
Così poco stendendose
In sprescia d'uria buria,
Doce ra bocca in furia,
Ghe ven vuoeggia a lié asì de fase monega,