Ms. Ricci 176/Ringratiamento a ro scio Christoffa Spinnora
| ←torna a l'endexo | Poesie in lengua Zeneise de Ringratiamento a ro sció Christoffa Spinnora per un decretto a ri Straordinarij |
A ro Sig.r Giruoemmo Spinnora→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Lustrissimo Patron,
Muoé Giurian se sazia
De benexí quella beneita gratia,
Ra qua heri seira ri patroin gh'han feto,
Quand'in somma gh'han deto
Quello contravenin,
Ch'opererà de feto,
Che ri leventi resteran mincioin,
Onde lé con quest'ottima triacca
Spera da quelli tuoesceghi sarvase,
E in faghe vei che no gh'en varsi un hacca,
Ab uncinatis manibus guardase
Per quanto mi con ra mé Musa goffa
Sempre predicherò,
Che pe ro sció Christoffa,
E pe ra casa sò
Mi vuoeggio sempre fá seir'e mattin,
In sempiterno commensando ancuoe,
Pregá sette figgioé,
Compreisoghene doi, ch'ho per camin,
Che ro Segnó in gratia de sta gratia
Ro guarde da desgratia,
Da egua, fratti, e moneghe vexin,
E da fantesca chi no beive vin,
Da famiggia marotta,
E da Previ per casa con ra cotta.