Ms. Ricci 176/A ro Sig Giruoemmo Spinnora

by Giurian Rosso

←torna a l'endexo

Poesie in lengua Zeneise de Giurian Rosso A ro Sig.r Giruoemmo Spinnora

A ro sció Zan'Andria Spinnora liberoù de prexon.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ro Sig.^r Giruoemmo Spinnora

Lustriss.^o Patron
Con st'angarezo con sto finimondo
Non sò se Giurian sé ciù a ro mondo,
Che però con raxon
Posso dí che ghe son, si no ghe son,
Ghe son perchè s'attendo
A fame ri coccolli chì perá,
E da puoescia vorré fameri trá,
Da questo ben comprendo,
Che mentre a tante cose vaggo appruoeo,
Se ghe son posso dí che me gh'attruoeo,
Ma ghe son puoe, perchè
Se non ve serco vuoi comme se dè,

Per l'obligo, e l'affetto che ve porto,
Non sò se me sé vivo, ò se sé morto.
Patron non ve l'ascondo,
Anzi ra sprango chì con quest'inciostro
Ro gran Merito Vostro,
Re bonne qualité, ch'attruoevo in vuoi,
M'obligan chì con zuramento a dí,
Se mi no son con vuoi son così tondo,
Che manco non me pá d'ese a ro mondo.