Ms. Ricci 176/Inconstanza dra fortunna
| ←torna a l'endexo | Poesie in lengua Zeneise de Inconstanza dra fortunna |
Exorta a ra patientia ro Sig.r Poro Baxadonne→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Dra reginna Didon degno parente,
Dri seguaci d'Enea forza, e terró,
Professó dra fermessa in tre l'amó,
Our'Annibale in campo se resente.
Se chì dixesse quarche Scipion
Ch'in amó foise ben l'ese inconstante,
Co i arme in man lé da costante amante
O vuoe provaghe, che l'è un arbicon.
Con giro eterno in unna giusta danza
Ro mesmo cé sempre costante gira,
E a terra da ro cé piggia ra mira
Per amá ra fermessa, e ra costanza.
Han ro servello in fin comme ri gatti,
Quelli ch'all'inconstanza dan ro vanto,
Che ra fortunna, ch'è inconstante tanto
Per questo lé se ciamma Dea dri matti.