Ms. Ricci 176/D'inserto
| ←torna a l'endexo | Poesie in lengua Zeneise de D'inserto |
Risposta→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
A vuoi scio Giurian ch'havei cantoù
Dell'Aze i vanti ciù che là de ben,
Ch'in armonia azenesca pochi v'en
Si forte comme vuoi ch'haggian ragnoù.
A vuoi gruoeria se dagghe: incoronoù
D'atro l'havei che de gramegna, e fen,
Onde viva per Sestri, e Corniggien
Viva l'aze ogn'un cria fin ch'o l'ha scioù.
Quest'onó l'è dovuo a vuoi, e a lé,
Ch'a ro mondo da un pesso d'aze in fuoe,
Re atre bestie en ninte a parei mé.
Bioù l'aze, bioù vuoi, digghe chi vuoe,
E vuoi, e l'aze ve sei missi in cé,
Se chi loda, e lodoù, vive, e non muoe.