Ms. Ricci 176/A ro sig. Nicolò Raggi

by Giurian Rosso

←torna a l'endexo

Poesie in lengua Zeneise de Giurian Rosso A ro Sig.r Nicolò Raggi

Raccommandation d'unna serva a ro Sig.r Michié Adorno.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ro Sig.^r Nicolò Raggi

Lustrissimo Patron
In somma Giurian
Ha besuoegno de vuoi ciù che de pan
Mi son nessescitoù
Sta mattin per aponto
D'andá a pagá ro conto
Dro sig.^r Governoù
Ro quá con pochi sodi in tra scarsella
S'arremba a chi ha ra borsa ciù feconda
Per puoei ben dí che a so benigna stella

Con un raggio benigno ro segonda
Per zo ve prego pe ro pagamento
De quelli pezzi sento
Che così lé reseive doe carezze
Mi ghe metto l'inguento, e vuoi re pezze.