Ms. Ricci 176/A ra mesima (Imperiera)

by Giurian Rosso

←torna a l'endexo

Poesie in lengua Zeneise de Giurian Rosso A ra Sig.ra Giovanna Imperiera

A ra mesima ringratiamento →

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

A ra mesima.

Lustrissima patronna, Giurian
Ve reverisce, si ma da lontan,
Perchè comme se tratta de contaggio
Recco l'è bon, ma caro ghe stà l'aggio.
Fuoera re burle, mi da ro mé canto,
M'allegro tanto, tanto
Che ra borasca è subito mancá,
E che in lampi de cado l'è spará.
L'Aquila Imperiá,
Comme che l'è de Giove amiga eletta,
Non deiva ese a ri fulmini soggetta.
E non son vegnuo a veive de presenza,
Perchè, con penna mé,
Questi trei di passé
Son steto a Zena, pe ra mé attendenza
Un atra votta comme vegno li,
Virò de fave penetrá ro resto,
Fra tanto ve protesto,
Che vuoeggio in feta fin,
Che fassé tutti vuoi cari patroin,
Comm'ha feto Giurian con doi compagni

Voto de no s[c]ciuppá per duxent'anni.^[sic]