Ms. Molfino 421/LII
| ←LI - De vitandis et non frequentibus credencijs et mutut et fideiussoribus | Ms. Molfino 421 Rimme de , a cua de Nichiozo Lagomao LII - Contra quosdam vilipendentes castaneis, et contra eos qui incidunt alias castaneas |
LIII - (...)→ |
| Transcriçion e notte do Nichiozo Lagomao, pubricæ inte l'Arch. Glott. Italian II, 1876 |
Se no ve increxera de oir,
una raxon ve posso dir,
no tropo utel ni danosa
4per no aver mente encrexosa.
e no trovo in montagna
mei fruto de castagna,
la quar s usa, zo se dixe,
8ben in pu de dexe guise.
boza, maura, cota e crua,
lo so savor non se refua:[1]
per zo De gi fe lo rizo
12en tanto[2] aotro covertizo.
omi, fanti, bestiame
noriga e scampa de fame;
per zo fa bem chi la procura,
16che cossa e de gram pastura:
se t e mester, servar[3] la poi
ben tuto l ano, se tu voi.
ma chi guari o tropo l usa,
20soa mente n e confusa:
che l aduxe tron e vento
con un gram comovimento,
de cor bruxor e gram arxum,
24chi rende monto gran aflicion,
segondo che som le nature
diverse, xeiver o dure,
pusor viae inter le gente;
28che tar ge n e[4] no se sente.
ma pu e vego omi asai
per vile, coste, e per casai,
chi pu engraxam de castagne
32cha de capon ni de lasane.
legno e legname[5] rende assai,
chi e de grande utilitae
en far vigne, torzhi e ponti,
36vaxeli, e asneixi monti
unde stan le tere piose,
e tamte[6] atre bone cose;
che se de tute dir vorese,
40penser o no ve crescexe.
ni per zo laxero miga
che ancor no ve diga:
tinne e bote se ne fa,
44e se tu voi una ca
| · | · | · | · | · | · | · | · | · | · | · |