Lunaio Regiña 1889/No se vive che ûnn-a votta!
| ←Tûtto quello chi lûxe o no n'é öu | Lunaio zeneize compilao da-o sciô Regiña & C. pe l'anno 1889 No se vive che ûnn-a votta! |
O Rellêuio→ |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
cansonetta
Axi e pövei inricchïi,
Me ne rïo che no m'ammiæ,
Perchè a forza de regïi
Se ve sei tûtt'infainæ,
Con o mette sciù da botta,
No se vive che ûnn-a votta!
2.
Santi apostoli da cricca,
Gente giöza do mestê,
Ve creddei de däme a cicca
S'assascinn-o do pappê?
Ma ve pä che molle a scotta?
No se vive che ûnn-a votta!
3.
Careghæne ben de tasce,
Zelantiscimi ezattoî
Che mangiæ da sei ganasce,
Mentre tanti agricoltoî
Co-a mizeia son in lotta:
No se vive che ûnn-a votta!
4.
Oh, sensæ de l'angonïa
Fæ de tûtto pe piggiâ
Dexe södi e ciù pe lïa;
Che con tanto predicâ
Questo scropolo de p......
No se vive che ûnn-a votta!
5.
Oh, voi-ätri pixonanti
Se montæ sempre a pixon,
S'assätæ comme i breganti
Ei ûn parmo de raxon
Perchè doppo in fin da notta
No se vive che ûnn-a votta!