Lunaio Regiña 1889/O Rellêuio
| ←No se vive che ûnn-a votta! | Lunaio zeneize compilao da-o sciô Regiña & C. pe l'anno 1889 O Rellêuio |
A Biricchinn-a→ |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
Sûnetto
Da quella macchinetta in moviment[o]
Mi ghe rilevo ciù d'ûn battichêu,
Ciù d'ûn agitazion, ciù d'ûn tormento
Che descrïve a parolle no se pêu.
E se v'han dæto quarche appuntamento
Quelle personn-e che ve stan a chêu,
Con l'êuggio in sciä lançetta ogni momento,
Quande tardan frizzeì comme frisciêu.
No frizzan duî galanti de parläse?
E quande sêunn-a l'öa che ven o poæ
No ghe pä troppo fïto pe lasciäse?
Tremman d'ammiâ o rellêuio i condannæ;
Ma chi ne-a sò lançetta sà spëgiäse
No perde mai nè tempo, nè dinæ.