Laude zeneize do XIV sec.
XII. De la beata vergine Maria.
ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti
[p. 340 modifica]

XII.
De la beata vergine Maria.


1.
Salutemo la vergen
cum gran devocion,
che ell'è nostra avocata
davanti allo Segnor.

2.
O vergene Maria
maire de lo Creator,
docissima regina
de grande devocion,

3.
voi chi sei nostra gia
pregai lo Segnor,
che questa compagnia
mantegna in so amor.

4.
Voi fosti vergen spoxa
de De paire segnor
et maire gracioxa
de lo nostro Salvaor;

5.
pregairo precioxa
che de noi pecaoi
la mente sea disposta
a demandar perdon.

6.
Portasti humilitai
per amor de lo Segnor
maire de caritae
de gran devocion,

7.
regina de bone aire,
pregai lo Creator,
che a noi mande paxe
e consolacion.