Laude zeneize do XIV sec.
XIII. De Santo Francisco confessor.
ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti
[p. 340 modifica]

XIII.
De Santo Francisco confessor.


1.
O San Francesco glorioxo,
paire de li frai menoi,
pregai Criste pietoxo
per tuti li peccaoi.

2.
O Sam Francesco doce paire,
Criste tu debi pregar,
che ello debia perdonar
a tuti li peccaoi.

3.
Or pregai a Criste tuta via
e la doce vergene Maria,
che ello goarde questa compagnia
in lo so beneito amor.

[p. 341 modifica]

4.
O predicaor de la veritae,
o exemplo de humilitai,
tu dexiderasti povertae
per servir lo to Segnor.

5.
Tu ài Servio perfetamenti
lo doce Criste humilementi ;
la soa morte e li tormenti
pianzeivi semper cum dolore.

6.
Tu pianzeivi Criste flagelao
et son la croxe ihavao;
tu eri aceixo e infiamao
a morir per lo Segnor.

7.
Or quante lagreme tu zitavi
quando la croxe tu contemplavi,
lo bon Iexu tu aregordavi
morto cum tanto dexonor.

8.
Or son cambiai li toi pianti
in alegreza et in doce canti;
tu regni in celo cum li altri santi
laudando semper lo Creator.

9.
Or t'alegra santo paire,
che tu porti in la toa carne
li segni de le doce piage
de Iexu Criste salvaor.

10.
Per li toi segni de grande reverencia
o ogni homo vegna a penitencia;
li oxeli e le bestie fan obediencia
a ti doce servo de lo Segnor.

11.
Per Francesco li cegi son illuminai,
li frai infermi son sanai,
et puxoi morti resuscitai,
et noi per Francesco abiamo salvacion.