Laude zeneize/11
| ←X. Laude della beata vergene Maria. | Laude zeneize do XIV sec. XI. Della beata virgine Maria. |
XII. De la beata vergine Maria.→ |
| ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883 torna a-a lista di atri scriti |
XI.
Della beata virgine Maria.
O vergen glorioxa,
semper seai laudata;
davanti a Iexu Criste
4seai nostra avocata.
O meser san Miché
arcangero. voi sei bon;
pregai lo doce Criste
8che ello abia marcè de noi.
O meser san Zoane
Baptista fosti bon;
pregai a Iexu Criste
12per tuti li peccaoi.
O san Piero
benedito apostoro,
pregai lo doce Criste,
16che ello ne faze perdon.
O meser san Lorenzo
martiro pin d'amor,
pregai lo doce Criste
20per tuti li pecaoi.
O meser san Nicheroxo
beneito acorreor,
pregai lo doce Criste,
24che ello secorra alli pecaoi.
O mese san Zerman
prelato pin d'amor,
pregai lo doce Criste,
28che ello mande paxe a noi.
O doce san Francesco
benigno confessaor,
pregai lo doce Criste
32per tuti li pecaoi.
O meser san Domenego
beneito pricaor,
pregai lo doce Criste
36che ello ne faza perdon.
O doce Madareina
devota de lo Segnor,
lo vostro bon maistro
40semper pregai per noi.
O vergen santa Clara
spoxa de lo Creator,
per li vostri devoti
44pregai lo Salvaor.