Esopo Zeneize 1822/A Sigaa trovâ co-i Grilli

by Martin Piaggio

←I dui Vegi

Esopo Zeneize de Martin Piaggio A Sigaa trovâ co-i Grilli

A Rondanin-na, e i Oxelletti→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.
In notta e diferençe co' l'ediçion do 1846.

FOA XXV.

A Sigaa trovâ co-i Grilli.

Ne-o prinçipio là da Stæ,
Quando sciorte e Rondanin-ne,
E van tutte sparpaggiæ^[1]
Pë campagne e pê collin-ne
A fâ caccia de moscin
Per portâli a-i so piccin,

Un Villan con de trappette
O l’andava ascì cacciando
Çerti grilli, e cavallette
Che gh’andavan devastando
In ta villa quanto gh’êa,
E o ne fè un-na rastellêa;

In t’un costo o ghe trovò
Con lô ascosa un-na Sigaa,
E ti è chi? birba! (o sbraggiò)
Mentre o l’ea lì per sciaccaa;
A ghe criò, Villan, caitæ!
Ammîa ben cose ti fæ,

Mi no t’hò mai rozziggiôu
Nè a to frûta, nè a to erbaggia.....
Non importa, t’hò trovôu
(O rispose pin de raggia)
In cattiva compagnîa,
E lê ascì presto o l’infîa.

1. spampaggiæ