 |
Questa pagina a no l'è stæta corretta. | |
Un Villan con de trappette
O l’andava ascì cacciando
Çerti grilli, e cavallette
Che gh’andavan devastando
In ta villa quanto gh’êa,
E o ne fè un-na rastellêa;
In t’un costo o ghe trovò
Con lô ascosa un-na Sigaa,
E ti è chi? birba! (o sbraggiò)
Mentre o l’ea lì per sciaccaa;
A ghe criò, Villan, caitæ!
Ammîa ben cose ti fæ,
Mi no t’hò mai rozziggiôu
Nè a to frûta, nè a to erbaggia.....
Non importa, t’hò trovôu
(O rispose pin de raggia)
In cattiva compagnîa,
E lê ascì presto o l’infîa.
