Ciaravalle 1833/Sciaradda e Logogriffo

by Martin Piaggio

←E lasagne

Ciaravalle zeneize pe l'anno 1833 de Martin Piaggio Sciaradda e Logogriffo

O Luiggi e o Quattrin→

SCIARADDA, E LOGOGRIFFO.

---

Se un C. metto in testa ao primmo,
D’un Q. in cangio che supprimmo,
O diventa çerta cosa
Ao villan sempre dannosa;

L’atro apprêuvo chi guagnasse
Se leviæ d’attorno e strasse;

Se o mæ tutto voei trovâ
O sta sempre da-o cartâ;

Se o secondo poi spartî
In duì tocchi, ghe trovieì
Che o scinistro o dixe treì,
Che cö drito contraddî;
E se a testa ghe taggiæ
Collo in pëto ghe ficchæ,
Un gran fiumme ghe lezzieì
Chi traversa un-na Çittæ.