Chittarin zeneize 1881/209 Sunetto

Chittarin zeneize de Martin Piaggio
Sunetto - pronosctico pe-o 1840

SÛNETTO ¹

O quaranta da tanti se vêu dì
Ch’o degge ëse ún biséstile fatale;
Ma mi diggo o conträio, e stæ a sentî
Cöse ghe veddo co-o mæ cannocciale:

In zenâ da gran fiocca ² ha da vegnî,
Freschisscimo^[sic] frevâ, marzo scioccale,³
Arvî ciûvoso e mazzo pin de scioî,
Zûgno con troin e ûn bello ciæo boreale,⁴

Lûggio e agosto calorico, settembre
Capriçiosetto, e forse se balliä,
Nebbioso ottobre, e abburascôu novembre.

Ûnn-a gran cösa nêuva succediä,
Sorprendente per tûtti de dexembre:
A-i trentün... o quaranta terminiä!

[p. 210 modifica]